რა არის „დუბაის შოკოლადი“ და რატომ საუბრობს ყველა მასზე?

რა არის დუბაის შოკოლადი?

დუბაის შოკოლადი პოპულარული ერთ-ერთი ტიკტოკერის წყალობით გახდა, რომელმაც დუბაის Fix Dessert Shop-ში გასაყიდად გამოტანილი შოკოლადის შესახებ ვიდეო გადაიღო და გაავრცელა. ეს არის აღმოსავლური ტკბილეულის – ბაქლავას თანამედროვე ინტერპრეტაციით შთაგონებული შოკოლადი ფსტით და კუნაფით.

მას შემდეგ, რაც „დუბაის შოკოლადმა“ პოპულარობა მოიხვეჭა, კონდიტერებმა შოკოლადის უამრავი მსგავსი ვერსია შექმნეს, სადაც ფსტის კრემი, კუნაფი და შოკოლადია გაერთიანებული.

როგორი გემო აქვს დუბაის შოკოლადს?

დაუბაის შოკოლადს, იქნება ეს ორიგინალური ვერსია თუ მისი თანამედროვე ინტერპრეტაციები, სამი ძირითადი ელემენტი აერთიანებს:

1. გემრიელი ხრაშუნი, რომელსაც დაქუცმაცებული ფილოს ცომი - კუნაფი ქმნის.

2. ნაზი ფსტის კრემი.

3. შოკოლადის სქელი ფენა, რომლითაც ფსტისა და კუნაფის შიგთავსია დაფარული.

შედეგად, გამოდის გემოებისა და ტექსტურების უჩვეულო კომბინაცია, რომელიც არცერთ სხვა შოკოლადს არ ჰგავს.

რატომ არის დუბაის შოკოლადის ფასი მაღალი?

დუბაის შოკოლადის მაღალი ფასი, პირველ რიგში, მიწოდების ხარჯებს უკავშირდება, თუმცა ადგილზე დამზადებაც ძვირი დაგიჯდებათ, ვიდრე ჩვეულებრივი. ეს გასაკვირი არაა, რადგან ამ მრავალფენიანი დესერტის შექმნა დიდ შრომას და გამოცდილებას მოითხოვს. შოკოლადის ოსტატები კი, როგორც წესი, ამ დანახარჯებს ფასში ასახავენ, რის გამოც დუბაის შოკოლადი შედარებით ძვირი პროდუქტია.

ესეც საინტერესოა:

შეიძლება თუ არა შოკოლადის ჭამა, თუ მასზე თეთრი ნადები გაჩნდა?

ამის წაკითხვის შემდეგ შესაძლოა, შოკოლადი ტკბილი აღარ გეჩვენოთ...