იცით თუ არა

რას აჩვენებს ორსულობის ტესტი, თუ მას კაცი გაიკეთებს?

fun time

14:00 სამ. 21 სექტემბერი, 2021 წელი

ორსულობის ტესტი კაცებში
14
დაკოპირებულია

თუ მამაკაცმა რამე გაუგებარი და დაუჯერებელი მიზეზის გამო ორსულობის ტესტის გაკეთება გადაწყვიტა და დადებითი შედეგი მიიღო, სასწრაფოდ ექიმთან ვიზიტი უნდა დაგეგმოს...

საქმე ის გახლავთ, რომ ზემოთ ხსენებულ შემთხვევაში, მამაკაცმა ორსულობის ტესტზე უარყოფითი შედეგი უნდა მიიღოს, მაგრამ, ძალიან იშვიათ შემთხვევებში, შედეგი შეიძლება დადებითი იყოს!

ორსულობის ტესტი ადამიანის შარდში ან სისხლში ქორიონული გონადოტროპინის (HcG) არსებობას განსაზღვრავს. ეს ჰორმონი განაყოფიერებული კვერცხუჯრედი საშვილოსნოს კედელზე მიმაგრების შემდეგ აქტიურდება.

უცნაურია, მაგრამ იგივე ჰორმონი აქტიურდება მამაკაცებშიც, რომლებსაც სათესლე ჯირკვლის გარკვეული ტიპის სიმსივნე აქვთ. ამრიგად, თუ მამაკაცს HcG-ის დონე მომატებული აქვს, შეიძლება სათესლე ჯირკვლის კიბო ჰქონდეს და ეს ორსულობის ტესტის დადებით შედეგს გამოიწვევს.

ვებგვერდი Reddit მსგავს შემთხვევას იხსენებს, რომელიც 2012 წელს მოხდა.

ერთმა მამაკაცმა, რომლის ვინაობა უცნობია, შეყვარებულის ჩანთაში ორსულობის ტესტი აღმოაჩინა და ხუმრობის მიზნით გადაწყვიტა საკუთარ თავზე გამოეცადა. მისდა გასაოცრად, შედეგი დადებითი აღმოჩნდა. ეს ფაქტი და მისი რეაქციები შეყვარებულმა გოგომ კომიქსებად აქცია და ვებფორუმ Reddit-ზე გამოაქვეყნა.

სოციალური ქსელის მომხმარებლებმა ხუმარა მამაკაცს სასწრაფოდ საავადმყოფოში წასვლა ურჩიეს. აღმოჩნდა, რომ მას მარჯვენა სათესლე ჯირკვალში მცირე ზომის სიმსივნე ჰქონდა და რადგან ის ადრეულ სტადიაზე აღმოაჩინეს, მამაკაცის განკურნება ადვილად მოხდა.

გაითვალისწინეთ, რომ ეს ტესტი საპირისპირო მიმართულებით არ მუშაობს - თუ მამაკაცმა ორსულობის ტესტზე უარყოფითი შედეგი მიიღო, ეს კიდევ არ ნიშნავს, რომ კიბო არ აქვს, რადგან HcG ჰორმონს სათესლე ჯირკვლის ყველა სიმსივნე არ გამოყოფს.

მეცნიერებმა ჯერ კიდევ არ იციან, როგორ ხდება მამაკაცებში ამ ჰორმონის გამოყოფა. ერთ-ერთი ვერსიის მიხედვით, მამაკაცის სათესლე ჯირკვლებში უჯრედების რეგრესი იწყება და ისინი ადამიანის სასიცოცხლო ციკლის ერთ-ერთ ყველაზე ადრეულ უჯრედულ ფორმად გარდაიქმნებიან.

მეორე თეორიის თანახმად, სიმსივნე სინციტიოტროფობლასტებისგან (პლაცენტის უჯრედები) შედგება, რომლებიც ჰორმონ HcG გამოყოფენ. შესაძლოა, ეს სინციტიოტროფობლასტები მამაკაცის სხეულში ემბრიონად ჰყოფნის პერიოდიდან დარჩნენ და რაღაც მომენტში კონტროლიდან გამოსვლა დაიწყეს.

ასეა თუ ისე, გამოდს, რომ მამაკაცისთვის ორსულობის ტესტის პერიოდული ჩატარება შესანიშნავი პროფილაქტიკური საშუალება ყოფილა არასასურველი პრობლემების თავიდან ასაცილებლად.

წყარო: www.todayifoundout.com


სიახლეები ამავე კატეგორიიდან

რატომ ერიდებიან ზვიგენები შავი ზღვა...

რატომ არ არის ზვიგენი შავ
ზღვაში?

ლომბარდის ისტორია - რა კავშირია სეს...

ლომბარდის ისტორია

რატომ შეიძლება ჰიროსიმასა და ნაგასა...

ნაგასაკი vs ჩერნობილი

სიზმრის 6 ტიპი და მათი განმარტება -...

სიზმრის 6 ტიპი

15 საინტერესო ფაქტი თოვლის შესახებ

15 ფაქტი თოვლის შესახებ

მსოფლიოს ხალხთა უცნაური საშობაო ტრა...

საშობაო ტრადიციები

ლიტოპსი, ანუ „ცოცხალი ქვები“ - როგო...

ლიტოპსი

სახამებლის 10 ჯადოსნური თვისება

სახამებელი ყოველდღიური
წვრილმანებისთვის

რატომ ნაძვი - საიდან მოდის საახალწლ...

წმ. ბონიფაციუსი და ნაძვის
ხის მორთვის ტრადიცია