რას ნიშნავს შავი შობა და ვინ არის ნამდვილი გრინჩი - ცოტა რამ სანტას ძმის შესახებ

ბნელი მხარე ყველაფერს აქვს. ახალ წელსაც კი. ფერადი ნაძვის ხე ამბის ერთი მხარეა. მეორე მხარე კი ბნელი, შავი შობითაა გარემოცული. რაც უნდა წარმოუდგენლად გეჩვენოთ, სადღაც, ჩვენგან შორს, არსებობენ ადამიანები, რომლებიც ანტიშობას აღნიშნავენ. მათი მიზანი ჩვენი დღესასწაულის ჩაშლაა. მათ ბნელ ათეისტებსა და დემონის თაყვანისმცემლებს უწოდებენ.

ამ ყველაფრის სადავეები კლაუდ კლაუსს უჭირავს. ასე მას მე-17 საუკუნიდან მოიხსენიებენ. ის სანტა კლასუსის დაკარგული, ბოროტი ძმაა.

ყველაფერი კი, ასე დაიწყო:

ლეგენდის თანახმად, დედამიწაზე მოვლენილ ანგელოსს გაგიჟებით შეჰყვარებია ადამიანი. მათი კავშირი იმდენად ძლიერი ყოფილა, გრძნობებს წინ ზებუნებრივი ძალებიც კი ვერ აღუდგა. წყვილს ორი ვაჟი - სანტა და კლაუდიუსი შეეძინა. ანგელოს მამას მათი დატოვება და ზეციური ცხოვრების გაგრძელება მოუწია.

მარტოხელა დედა რუდუნებით ზრდიდა ორ, ერთმანეთისგან ცასა და მიწასავით განსხვავებულ ბიჭს და წარმოდგენა არ ჰქონდა, რომ გავიდოდა წლები და ერთი სიკეთის, მეორე - ბოროტების სიმბოლოდ იქცეოდა.

ბიჭების ასაკის მატებასტან ერთად, მათ შორის განსხვავება იზრდებოდა და ნელ-ნელა არაამქვეყნიურ ძალებთან მათი კავშირიც აშკარავდებოდა. ერთი ბოროტი ძალების მორჩილი გახდა. ის ჯერ სერიულ მკვლელად, შემდეგ კი ჯადოსნურ, ბოროტ დემონად იქცა. ზებუნებრი ნიჭით დაჯილდოებულმა კლაუდიუსმა დედამიწის ჯოჯოხეთად ქცევა განიზრახა. მასში ბოროტი ძალები განსაკუთრებით წინასაახალწლოდ აქტიურდებოდნენ.

ლეგენდის თანახმად, ის 26 დეკემბერს მთელ მსოფლიოს მოივლის, რითაც არეულობასა და ქაოსს იწვევს. მისი მიზანი შობის განადგურებაა, რათა სამყაროს მთავარ წვეულებად ჰელოუინი აქციოს. მიუხედავად ზებუნებრივი ძალისა, ამ საქმისთვის მარტო თავის გართმევა მარტივი არაა, ამიტომაც ჰყავს დამხმრე - სახელად გრინჩი.

და აი, ისიც - როგორც ხედავთ, გრინჩი არსებობს. მისი ისტორია აღწერილია დოქტორ სეუსის ტრილოგიაში „როგორ მოიპარა გრინჩმა შობა“.