იცით თუ არა

რატომ არის ინდოელებისთვის ძროხა წმინდა ცხოველი?

funtime

16:00 ხუთ. 29 ივლისი

რატომ არის ძროხა წმინდა
ცხოველი ინდოეთში
14
დაკოპირებულია

ბევრმა იცის, რომ ინდოეთში ძროხას არ კლავენ, არ ჭამენ, თაყვანს სცემენ, მათ უფლებებს კი ადამიანისაზე არანაკლებ იცავენ. მაგრამ რატომ მაინცდამაინც ძროხა და არა, მაგალითად, ვეფხვი, ლომი ან მაიმუნი?

ვერსია 1. რელიგიური

ინდოელთა უდიდესი ნაწილის რელიგია ინდუიზმია და ამიტომ უფრო მართებული იქნება, თუ ვიტყვით, რომ ძროხა წმინდაა არა ინდოელებისთვის, არამედ ინდუიზმისთვის! მეზობელ ნეპალშიც, სადაც ინდუიზმი ასევეა გავრცელებული, ძროხა არანაკლებ წმინდა ცხოველია!

მაინც რატომ მიაჩნიათ ინდუიზმში ძროხა წმინდად?

ძველ ინდუისტურ ტექსტებში ნახსენებია წმინდა ძროხა სურაბჰი, რომელსაც სურვილების შესრულება შეეძლო. როგორც ინდუისტები მიიჩნევენ, სურაბჰის ნაწილი ყოველ ძროხაშია და თუ ძროხას კარგად შევეხვეწებით, ის სურვილს შეგვისრულებს!

ამას გარდა, ინდუისტური მოძღვრების თანახმად, ცამდე მისაღწევად მდინარეა გადასაცური, მისი გადაცურვა კი მხოლოდ ძროხის დახმარებით შეიძლება - კუდში ხელი უნდა ჩასჭიდოთ. ვინაიდან ძროხას სამოთხისკენ მივყავართ, მაშ, როგორ არ იქნება ის წმინდა?

დაბოლოს, ინდუისტების მთავარი ღმერთი შივა წმინდა ძროხაზე - ნანდიზე გადამჯდარი დადის! თუ თავად შივამ შეარჩია ამისთვის ძროხა, მაშინ ის ცალსახად წმინდა ყოფილა! ამიტომაც ზოგიერთი ინდუისტური ტაძრის შესასვლელში შეგხვდებათ ნანდის ქანდაკება. ამ ტაძარში აუცილებლად შივას სცემენ თაყვანს.

კრიშნად ქცეული ღმერთი ვიშნუ დიდი ხანი მწყემსავდა ძროხებს. ამიტომაც ინდოეთში მწყემსის პროფესია ნაკლებად ანაზღაურებადი, მაგრამ ძალიან პატივსაცემია.

ვერსია 2. პრაქტიკული

რელიგიის გარდა, ინდოელის უბრალო მიწიერი ცხოვრებაც არსებობს, რომელიც ძალიან მჭიდროდაა დაკავშირებული ძროხასთან.

დავიწყოთ იქიდან, რომ ძროხა რძეს იძლევა, რძე კი ბავშვთა საკვებია. ინდოეთში ძროხას სწორედ ასე ეძახიან - „გაუ-მატა“, რაც პირდაპირ თარგმანში „დედა ძროხას“ ნიშნავს. რძე ინდოეთში ძალიან პოპულარულია. აქ ჩაისაც კი რძით აყენებენ, ხოლო კარაქის გარეშე არცერთი რელიგიური რიტუალი არ სრულდება.

ასევე, შეუცვლელია ძროხა სოფლის მეურნეობაში. ტრაქტორი უბრალო ინდოელისთვის იშვიათი და ძვირი სიამოვნებაა. რაღაცნაირად ხომ უნდა მოხნას მიწა? ამას გარდა, ძროხა ინდოეთში ტრანსპორტირებისთვისაც გამოდგება. ბენზინი ძვირია, ცხენი ნაკლებადაა გავრცელებული, ურემს კი გამწევი ძალა ესაჭიროება.

დაბოლოს, ნაკელი! მას საწვავად იყენებენ. მისი კვამლი კარგად აფრთხობს მოსკიტებს. ნაკელი გამოდგება მშენებლობაშიც, მედიცინაშიც... ამასთანავე, ის საუკეთესო სასუქია.

აი, რაც შეეხება ხორცს, ინდოეთში ხორცს არ მიირთმევენ. ნამდვილი ინდუისტების დიდი ნაწილი ვეგეტარიანელია.

ძროხის უფლებები

ამ წმინდა ცხოველს ინდოეთში ყველაფრის უფლება აქვს. მას პიკის საათისას შეუძლია ქუჩაში ყველაზე გაცხოველებული მოძრაობა გადაკეტოს და მრავალკილომეტრიანი საცობი შექმნას - ვერავინ გააგდებს. იქნება გნიასი, სიგნალების ჭყვიტინი და ყველა დაელოდება, როდის ინებებს ძროხა წასვლას...

ინდოეთში ძალიან ბევრი უპატრონო ძროხაა და ასეთი ძროხის გამოკვება წმინდა საქმეა. პირველი ლუკმა ინდოეთში მშიერ ძროხას ეკუთვნის, მეორე უკვე შეგიძლია, თავად მიირთვა.

ასე რომ, ინდოეთში ყოფნისას გაითვალისწინეთ ძროხების სიწმინდე. არ გააბრაზოთ და მიეცით საკვები. რაც მთავარია, ინდურ რესტორნებსა და კაფეებში არ შეუკვეთოთ სტეიკი, ბიფშტექსი ანდა ბიფსტროგანოვი!



სიახლეები ამავე კატეგორიიდან

ცხენი, რომელმაც 7 საბჭოურ ფილმში „ი...

ბრინჯაოს „პერსევსი და
პეგასუსი“ - „მოსფილმის“
საყვარელი რეკვიზიტი

საკვები გონებისთვის - რას ჭამდა გენ...

რას ჭამდა გენიოსი და ვინჩი

საიდუმლო გზავნილები, რომლებიც ხალიჩ...

აღმოსავლური ხალიჩის
ორნამენტები

რატომ დასაჯეს ინგლისელებმა ცილინდრი...

ცილინდრის ისტორია

იცით, რომ სხვადასხვა ქვეყანაში ადამ...

როგორ აცემინებენ
სხვადასხვა ქვეყანაში

რა სიმაღლის იყვნენ ცნობილები - წარს...

რა სიმაღლის არიან
ცნობილები

რას აჩვენებს ორსულობის ტესტი, თუ მა...

ორსულობის ტესტი კაცებში

მაკედონელი და მისი ღვინის სმის კონკ...

ალექსანდრე მაკედონელი

რა უნდა იცოდეთ, თუ ხის ავეჯის შეძენ...

რა უნდა ვიცოდეთ ხის ავეჯის
შესახებ