რატომ მშობიარობენ ქალები დაწოლილ მდგომარეობაში და რა კავშირი აქვს ამასთან ლუი XIV-ს

უძველეს ფრესკებზე და ეგვიპტურ პაპირუსებზე მშობიარეები მჯდომარე პოზიციაში არიან გამოსახულნი.

უფრო მეტიც, აფრიკულ, ავსტრალიურ და სამხრეთ ამერიკულ ტომებში მცხოვრები ქალები დღემდე ასეთ პოზიციაში მშობიარობენ.

გავარკვიოთ, რა ხდება დანარჩენ მსოფლიოში და რატომ მშობიარობენ თანამედროვე ქალები ჰორიზონტალურ მდგომარეობაში.

ამ კითხვას პასუხი გვიანდელი შუა საუკუნეების შემსწავლელმა ისტორიკოსებმა გასცეს. როგორ უცნაურადაც არ უნდა ჟღერდეს, „მშობიატობის სტანდარტებში“ გარკვეული კორექტივები საფრანგეთის მეფემ ლუი XIV-მ შეიტანა.

„მეფე მზეს“ უცნაური გატაცება ჰქონდა - მშობიარობის ყურება უყვარდა. მე-17 საუკუნეში მეფეების მრავალშვილიანობა მიღებული წესი იყო - ჩვილ ბავშვთა მაღალი სიკვდილიანობის პირობებში, აუცილებელი იყო, რომ მეფეს მემკვიდრის დატოვებაზე ეზრუნა. ლუის 22 შვილი ჰყავდა და თითოეულის დაბადებას პირადად დაესწრო.

ცოლის ან ფავორიტი ქალის მშობიარობის დროს ლუდოვიკო ყველა საქმეს ტოვებდა და სამშობიარო ოთახში მიდიოდა. იქ მოხერხებულად ეწყობოდა, რომ ბებიაქალებისთვის ხელი არ შეეშალა და ახალი სიცოცხლის დაბადებას ყურადღებით აკვირდებოდა.

ვინაიდან მჯდომარე მდგომარეობაში მყოფი ქალის მშობიარობა ცუდად ჩანს, მეფემ მშობიარე ქალების ჰორიზონტალურ მდგომარეობაში დაწვენა ბრძანა. მეფის ავტორიტეტი მეცნიერებაზე ძლიერი აღმოჩნდა და 17 საუკუნის მეორე ნახევრიდან ჯერ საფრანგეთში, შემდეგ კი მთელ ევროპაში მწოლიარე მდგომარეობაში მშობიარობა დამკვიდრდა.

კვლევის ავტორის, პროფესორ ლორენ დანდესის თქმით გაურკვეველია, რატომ ვაგრძელებთ 21-ე საუკუნეში ბუნებისა და მედიცინის წინააღმდეგ მოქმედებას და „მეფე მზის“ ახირებებით ცხოვრებას.