რატომ ვერ ნახავთ ცისარტყელაში შავს, ნაცრისფერს და ყავისფერს?
14:00 კვი. 8 იანვარი, 2023 წელი
ალბათ იცით, რომ ფერი როგორც საგანი, არ არსებობს, ის საგნის თვისებაა და ტალღებად ვრცელდება. სხვადასხვა ფერს ტალღის სხვადასხვა სიგრძე აქვს, ამიტომ თითოეული მათგანის შუქის დისპერსია (დაშლა) განსხვავებულია.
იცით რა იწვევს ცისარტყელას წარმოქმნას?
წვიმის თითოეული წვეთი პრიზმასავით მოქმედებს. ისინი თეთრ სინათლეს გარდატეხენ და 7 ფერად დაშლიან, რის შედეგადაც ცაზე ცისარტყელა ჩნდება.
ცისარტყელაში სხვადასხვა ფერი ერთმანეთში ირევა და ძნელი სათქმელია, სად მთავრდება ერთი ფერი და იწყება მეორე.
მაგალითად, ლურჯი და მწვანე ერთმანეთის გვერდით არიან და რაღაც ფირუზისფერის მსგავსს ქმნიან. ყავისფერი წითლისა და მწვანეს ნაზავია, მაგრამ ეს ფერები ცისარტყელაში ერთმანეთის გვერდით არ არის. იგივე ბევრ სხვა ფერს ეხება.
არის კიდევ ორი ფერი - შავი და თეთრი, რომლებსაც ცისარტყელაში ერთმანეთის გვერდით ვერასდროს ვიხილავთ. შავი პრინციპში, ფერის არარსებობაა, ხოლო თეთრი ყველა ფერის შერწყმაა. ნაცრისფერი კი შავი და თეთრი ფერის ნაზავია. რადგან ჩვენ ვერასოდეს დავინახავთ ამ ორ ფერს ცისარტყელაში, ვერც მას ვხედავთ.
სიახლეები ამავე კატეგორიიდან
info@bp.ge
+995595334912