შექმნეს ნაყინი, რომელიც არ დნება (video)

იაპონელი მეცნიერების ქმნილებას საფუძვლად ერთ-ერთი მზარეულის შემთხვევითი აღმოჩენა დაედო.

მზარეულს სთხოვეს მოეფიქრებინა, როგორ შეიძლებოდა 2011 წლის მიწისძვრისა და ცუნამის შედეგად დაზარალებულ რეგიონებში მოყვანილი მარწყვის გამოყენება. ამ მარწყვს ლამაზი ფორმა არ ჰქონდა, რის გამოც მყიდველებს მისი შეძენა არ სურდათ.

მზარეულმა მარწყვის სხვადასხვა გზით გამოყენება სცადა და აღმოაჩინა, რომ მარწყვის დამატებისას ნაღები მყარდებოდა. ამ ფენომენის შესწავლა კანაზავას უნივერსიტეტის მეცნიერთა გუნდმა გადაწყვიტა და აღმოაჩინა, რომ ნაღების გამყარებას უზრუნველყოფდა მარწყვში არსებული ნაერთი, სახელად პოლიფენოლი. სწორედ ის არ აძლევს წყალსა და ცხიმს ერთმანეთისგან განცალკევების საშუალებას.

მეცნიერებმა პოლიფენოლი ნაყინს შეურიეს და დარწმუნდნენ, რომ ის დნობის პროცესს ხელს უშლიდა. ეს ამბავი ადგილობრივმა მედიამ აიტაცა და სიახლე მალე მთელ მსოფლიოს მოედო. გავრცელებული ინფორმაციით, იაპონური ნაყინი პირვანდელ ფორმას 3 საათის განმავლობაში ინარჩუნებს, თუნდაც ტემპერატურა 40° C-ს აღწევდეს.

ექსპერიმენტებში ნაყინმა თმის საშრობის ცხელი ჰაერის ნაკადს და ცეცხლსაც კი გაუძლო.

ნაყინი, სახელად Kanazawa Ice cream, ამჟამად იაპონიის რამდენიმე ქალაქში (ტოკიო, ოსაკა, კანაზავა) იყიდება.

სცადეთ - მოამზადეთ სახლში:

შემწვარი ნაყინი

ნაყინის ტორტი