ნაყინის ტორტი შოკოლადითა და თხილით - მოამზადეთ სახლში

საჭირო პროდუქტი:

• ნაყინი (პლომბირი ან კრემ-ბრულე) – 500 გრ.
• ფხვიერი ორცხობილა (შოკოლადის) – 200 გრ.
• კარაქი - 50-70 გრ.
• ნუში ან თხილი - გემოვნებით

შოკოლადი მინანქრისთვის საჭირო პროდუქტი:

• შავი შოკოლადი - 100 გრ.
• შესქელებული რძე - 100 გრ.
• შაქარი - 1 ს/კ.
• ვანილის შაქარი - 1 ჩ/კ.
• კარაქი - 1 ჩ/კ.

მოამზადეთ „ცომი“

ფხვიერი ორცხობილა ხორცსაკეპ მანქანაში გაატარეთ ან ხელით კარგად დაფშვენით. კარაქი გაადნეთ, დაფშვნილ ორცხობილას დაასხით და კარგად აურიეთ (მასა არც ძალიან სქელი და არც მეტისმეტად თხელი არ უნდა იყოს).

შეარჩიეთ ტორტის ყალიბი, სასურველია, 17X17 სმ, ძირზე და გვერდებზე კარგად „ამოაკარით“ ორცხობილას „ცომი“ და 20 წუთით საყინულეში შედგით.

საყინულიდან გამოღებულ ფორმაში ჩადეთ დარბილებული ნაყინი და ზედაპირი კარგად მოასწორეთ. ამის შემდეგ ნაყინის ტორტი ისევ საყინულეში მოათავსეთ და ამჯერად 2-4 საათით დატოვეთ.

***

მოამზადეთ მინანქარი

შოკოლადი მინანქრისთვის საჭირო პროდუქტები პატარა ჯამში ჩაყარეთ და წამოადუღეთ. მინანქარი ოდნავ გააგრილეთ და ნაყინის ტორტს თავზე მოასხით.
გაითვალისწინეთ, რომ მინანქარი ნაყინთან კონტაქტის დროს სწრაფად ცივდება, ამიტომ ტორტის ზედაპირზე სწრაფად უნდა გაანაწილოთ.
ამის შემდეგ ტორტი საყინულეში 30-40 წთ-ით შეინახეთ.

***

შენიშვნა:

სანამ მიირთმევდეთ, ტორტი საყინულიდან უნდა გამოიღოთ, დაჭრილი თხილი ან ნუში მოაყაროთ და 10 წუთი ოთახის ტემპერატურაზე გააჩეროთ.

ტორტის ფორმიდან ამოსაღებად ცხელ წყალში შემთბარი, ღრმა კოვზი გამოიყენეთ.

გემრიელად მიირთვით!

ესეც სცადეთ:

მარტივი ნაყინის რეცეპტი

შემწვარი ნაყინი

ცივი დესერტი - ჩიტის რძე ჭიქებში

წყარო: gotovim-doma.ru