ჩიტის რძე ბეზეთი - ცივი დესერტი ჭიქებში

მაშ ასე, დავიწყოთ:

მოქმედება 1-ლი:

ჟელატინი - 1 სუფრის კოვზი
წყალი - 1 ჩაის ჭიქა

ჟელატინს დაასხით წყალი და ნახევარი საათი გააჩერეთ.
ნახევარი საათის შემდეგ დაბალ ცეცხლზე დაადგით და განუწყვეტლივ ურიეთ. როგორც კი ადუღებას დააპირებს, ჯამი ცეცხლიდან გადმოდგით.

მოქმედება მე-2:

კვერცხის ცილა - 6 ცალი
შაქარი - 1,5 ჭიქა
ვანილი - 2 გრ.

კვერცხის ცილები მოათავსეთ ჯამში და მიქსერით მყარი კონსისტენციის მასის მიღებამდე ათქვიფეთ.
თქვეფის შეუჩერებლად, ნელ-ნელა დაუმატეთ შაქარი, ვანილი და გამდნარი ჟელატინი.
ჩაასხით სასურველი ზომისა და ფორმის ჭიქებში და 2 საათით მაცივარში შედგით.

მოქმედება მე-3

კარაქი - 50 გრ.
შავი შოკოლადი - 100 გრ.

შავი შოკოლადი დატეხეთ და პატარა ჯამში ჩაყარეთ.
დაუმატეთ კარაქი და ძალიან დაბალ ცეცხლზე, განუწყვეტელი მორევით გაადნეთ.

მოქმედება მე-4

მაცივრიდან გამოიღეთ გაციებული ბეზე, მოასხით გამდნარი შოკოლადი და ნახევარი საათით ისევ მაცივარში შედგით.

შენიშვნა: შეგიძლიათ, მზა ჩიტის რძეს დაჭრილი მარწყვი, ალუბალი ან ნებისმიერი სხვა ხილი მოაწყოთ.

გემრიელად მიირთვით!

ესეც სცადეთ:

ვაშლის ნამცხვარი მარტივად

ცივი დესერტი

ხილის დესერტი