ჟოლოს პარფე - გრილი დესერტი

საჭირო პროდუქტი:

კვერცხი - 2 ცალი
კვერცხის გული - 2 ცალი,
არაჟანი - 400 გრ.
ჟოლო (ან სხვა ხილი) - 1 ჭიქა,
ჟელატინი - 2 ჩაის კოვზი,
შაქარი - 1 ჭიქა.

მომზადების წესი:

1. ჟელატინი დაალბეთ 1 ჭიქა ანადუღარ, ცივ წყალში 1 საათით. კარგად რომ გაფუვდება, ნელ ცეცხლზე დაადგით და განუწყვეტელი მორევით ადუღებამდე მიიყვანეთ. გადმოდგით ცეცხლიდან და გააგრილეთ.

2. კვერცხით, კვერცხის გულებით და 1 შაქრით გააკეთეთ გოგლიმოგლი. დაამატეთ არაჟანი და კარგად დასრესილი ჟოლო. დაუმატეთ ვანილი და კარად ათქვიფეთ.

3. ჟელატინიან მასას დაუმატეთ ხილიანი მასა. კარგად აურიეთ, ჩაასხით ლამაზ ფორმებში და მაცივარში შედგით.

4. რამდენიმე საათის შემდეგ პარფე მზადაა.

შენიშვნა: სურვილის შემთხვევაში, ჟოლოს ნაცვლად, შეგიძლიათ მარწყვი, ალუბალი, გარგარი ან ნებისმიერი სხვა რბილი ხილი გამოიყენოთ.

გემრიელად მიირთვით!