დესერტი

ცივი დესერტი ცხობის გარეშე

fun time

12:00 ოთხ. 2 ივნისი, 2021 წელი

ცივი დესერტი
14
დაკოპირებულია

თუ გრილი, გემრიელი და ვიტამინებით სავსე გემრიელობა მოგინდათ, თანაც გსურთ, რომ ტკბილეული ცხობის გარეშე მოამზადოთ, მაშინ ეს ცივი დესერტი თქვენთვისაა. მის მოსამზადებლად მხოლოდ 5 წუთი დაგჭირდებათ. და რაც ყველაზე საინტერესოა - ეს არის დესერტი ფქვილის გარეშე!

ცივი დესერტისთვის საჭირო პროდუქტი:

  • არაჟანი (20% ცხიმით) - 315 გრ.
  • შაქრის პუდრა - 100 გრ.
  • მოხალული ნიგოზი - 100 გრ.
  • ქლიავი ( ან გარგარის ჩირი) - 100 გრ.
  • ჟელატინი - 15 გრ.
  • ცივი წყალი - 70-100 მლ.

ცივი დესერტის მომზადების პროცესი:

1. ჟელატინს ცივი წყალი დაასხით, აურიეთ და დატოვეთ.

2. მოხალული ნიგოზი მსხვილად დაჭერით.

3. შავი ქლიავი პატარა ნაჭრებად დაჭერით.

4. არაჟანი ჯამში გადმოასხით, შაქრის პუდრა დაუმატეთ და ხელის სათქვეფით აურიეთ.

5. გაფუებული ჟელატინი წყლის აბაზანაზე ან მიკროტალღურ ღუმელში გაალღვეთ (არ აადუღოთ), შემდეგ არაჟანში ჩაასხით და კარგად აურიეთ.

6. არაჟანს დაჭრილი ნიგოზი და ქლიავი დაუმატეთ და აურიეთ.

7. ფორმიდან დესერტის ამოღება რომ არ გაგიჭირდეთ, საცხობი ფურცელი ან პარკი ჩააფინეთ, არაჟნიანი მასა ჩაასხით და 2 საათით მაცივარში შედგით.

8. 2 საათის შემდეგ დესერტი მაცივრიდან გამოიღეთ და ფორმა ლანგარზე გადააბრუნეთ. სულ ეს არის!

გემრიელად მიირთვით!



სიახლეები ამავე კატეგორიიდან

შემოდგომის დელიკატი - გოგრის ცუკატე...

გოგრის ცუკატები

შოკოლადის კეტო ტრიუფელი - მხოლოდ 2...

შოკოლადის კეტო ტრიუფელი

ლეღვის მურაბა ნიგვზით

ლეღვის მურაბა ნიგვზით

რით განსხვავდება ყვითელი საზამთრო წ...

ყვითელი საზამთრო

რამდენი ხანი სჭირდება სიმინდის მოხა...

რამდენი ხანი უნდა
სიმინდის მოხარშვას?

ხილის ტორტი ცხობის გარეშე

ხილის ტორტი ცხობის გარეშე

მარტივი დესერტი ცხობის გარეშე

მარტივი დესერტი ცხობის
გარეშე

უმარტივესი ნამცხვარი შავი მოცვით

მოცვის ტორტი ცხობის
გარეშე

შემწვარი ნაყინი

შემწვარი ნაყინი