წაიკითხეთ, სანამ გადაყრით - საკვების ნარჩენები, რომლებიც საჭმელად ვარგისია

ასე, მაგალითად:

✔️კვერცხის ნაჭუჭი

ადამიანებს, რომლებსაც კალცის დეფიციტი აქვთ, შეუძლიათ, თამამად მიიღონ კვერცხის ნაუჭები, რადგან იგი მდიდარია სასიცოცხლოდ აუცილებელი ამ მინერალით. ნაჭუჭი უნდა დაიფქვას და კალცის ფხვნილად იქცეს, რომელსაც ჩააყრით სმუზის ან მოაყრით საკვებს.

✔️საზამთროს ქერქი

საზამთროს ქერქი, ტექსტურითა და გემოთი, კიტრს წააგავს. ამიტომაც იგი არა მხოლოდ მურაბის, არამედ მწნილის დასამზადებლადაც იდეალური პროფდუქტია. რბილობისა და ქერქის სარგებელი იდენტურია.
თანაც, რბილობთან შდარებით, ქერქში: (1) უფრო ნაკლები რაოდენობით არის შაქარი და წყალი; (2) უფრო დიდი რაოდენობით არის ქლოროფილი და სასარგებლო ბოჭკო.
უბრალოდ, არგამოიყენოთ მხოლოდ საზამთროს თხელი მწვანე კანი.

✔️ყვავილოვანი კომბოსტოს ფოთლები

დღეს ყვავილოვანი კომბოსტოს მომზადების მრავალნაირ რეცეპტს მოძებნით, თუმცა ნაკლებად მოსალოდნელია, სადმე მოაგნოთ ყვავილოვანი კომოსტოს შემწვარ ფოთლებს. არადა, ეს ფოთლები ბეტა-კაროტინისა და მინერალების შესანიშნავი წყაროა, გემრიელია და უნივერსალური პროდუქტია, ისევე როგორც თავად კომბოსტო.

✔️სტაფილოს კანი

ალბათ, თქვენც დაუფიქრებლად ყრით ნაგავში სტაფილოს ნაფცქვენს. მაგრამ უნდა იცოდეთ, რომ იგი ასევე არომატულია და C ვიტამინით მდიდარია.

✔️მარწყვის ყუნწები და ფოთლები

მარწყვის ყუნწებს და ფოთლებსაც, როგორც წესი, ნაყოფის გასუფთავებისას ნაგავში ვყრით, არადა, ისინი ძალიან მდიდარია ანტიოქსიდანტებით, ანთების საწინააღმდეგო, კარდიოდამცავი და ნეიროპროტექტორული თვისებებით.
თუკი მარწყვის ყუნწებისა და ფოთლების ტექსტურა და გემო არ მოგწონთ, უბრალოდ, დააბლენდერეთ ნაყოფთან ერთად და კოქტეილად მიირთვით.

✔️ბანანის ქერქი

ბანანის ქერქის გადაგდება თითქმის ინსტინქტური ქმედებაა. მართალია, ის ცოტა მაგარი და მწარეა, მაგრამ მისი მოხმარება ნამდვილად სარგებლობას მოუტანს თქვენს ჯანმრთელობას. ბანანის ქერქი ხომ მდიდარია კალიუმით, მაგნიუმით, კალცით. მაალითად, ვეგეტარიანელებისთვის მშვენიერი იდეაა ბანანის ქერქისგან „ბეკონის“ მომზადება.

✔️ყავისფერი ავოკადო

გადამწიფებულ და, ერთი შეხედვით, დაზიანებულ ნაყოფს ბევრი აგდებს. მართალია, ის, შეიძლება, ზედმეტად რბილია და მომხიბვლელად აღარ გამოიყურება, მაგრამ მისი საკვებად გამოყენება ნამდვილად შეიძლება ნებისმიერ სალათსა თუ კერძში, რომელიც ავოკადოთი მზადდება.