ცერა თითი ინტელექტის საზომია?

ერთი შეხედვით, მცირე ზომის მიუხედავად (გარეგნულად, მხოლოდ ორი ფალანგისგან შედგება) ცერა თითი სრულად ამართლებს თავის მეორე სახელს - „დიდი თითი“.

სინამდვილეში, დანარჩენების მსგავსად, ცერა თითსაც სამი ფალანგი აქვს: ფრჩხილის, შუა და ქვედა. ეს უკანასკნელი ხელისგულს იმდენად ერწყმის, რომ მის გაგრძელებად აღვიქვამთ. კუნთი, რომელიც ცერა თითის მოძრაობას უზრუნველყოფს, ხელის გულზე მდებარე კუნთებს შორის ყველაზე დიდია.

გარდა ამისა, კონკრეტულად, ცერა თითის მოძრაობის კოორდინაციაში ტვინის გარკვეული ნაწილიც მონაწილეობს. აღსანიშნავია, რომ ცერის ზომა სხვადასხვა კულტურაში სიგრძის სტანდარტად მიაჩნიათ. მაგალითად, მოსწავლეებს ასწავლიან, რომ ცერა თითის ფრჩხილის სიგანე სანტიმეტრია, ხოლო პირველი ფალანგის სიგრძე დუიმი გახლავთ.

მეცნიერებმა ცერის თითის განვითარებასა და ადამიანის ინტელექტუალურ შესაძლებლობებს შორის კავშირიც აღმოაჩინეს - გონებრივად განუვითარებელ ადამიანებში ხშირად ცერა თითიც განუვითარებელია, ხოლო მაღალი ინტელექტის მქონე ადამიანებში პირიქით - ცერა თითი გრძელი, პროპორციულად განვითარებული და მოძრავია.

🔰:

ფრჩხილი ნეკა თითზე - უხერხული დეტალის დიდი ისტორია

რატომ იღებენ ანალიზისთვის სისხლს არათითიდან?

რომელ თითზე ატარებთ ბეჭედს? - ეს ბევრ ინფორმაციას იძლევა

ფსიქოლოგიური პორტრეტი ხელის მტევნის მიხედვით