13,7 გრადუსი - ადამიანის ყველაზე დაბალი დაფიქსირებული ტემპერატურა

1999 წლის მაისში 29 წლის შვედი ანა ბოგენჰოლმი ორ კოლეგასთან ერთად თხილამურებით სრიალებდა. ერთ-ერთი დაშვება მოუხერხებელი აღმოჩნდა და ქალი გაყინულ მდინარეში ჩავარდა. ანას თავმა ყინულის სქელი ფენა გაარღვია და ზედაპირზე მხოლოდ ანას ფეხები დარჩა.

ქალი ჯერ კიდევ ცოცხალი იყო. ის წყალსა და ყინულს შორის დარჩენილი ჰაერით სუნთქავდა და ცდილობდა გონება არ დაეკარგა.

მდინარეში ჩავარდნიდან 40 წუთის შემდეგ, ანას სხეული გაშეშდა და გული გაუჩერდა. ქალის მდინარიდან ამოყვანა მხოლოდ 80 წუთის მოახერხეს. იმ დროისთვის ქალის სხეულის ტემპერატურა 13,7 გრადუსამდე დაეცა.

ექიმების ძალისხმევით, ანას გადარჩენა მოხერხდა, ხოლო ექვსი თვის შემდეგ გოგონა სრულად გამოჯანმრთელდა.