ბრიტანელი ცოლ-ქმარი მოითხოვს, აიკრძალოს საშობაო სიმღერა Last Christmas

ბრიტანული წყვილი - თომას და ჰანა მაზეტი მოსახლეობაში ფულს აგროვებენ, რათა Last Christmas -ის საავტორო უფლებები შეიძინონ, სიმღერა ტირაჟიდან ამოიღონ და ის ვერავინ ვერასოდეს მოისმინოს.

გაინტერესებთ საიდან გაჩნდა ასეთი სიძულვილი საახალწლო სიმღერის მიმართ?

არა, მაზეტების წყვილსა და გრინჩს ერთმანეთთან არაფერი აკავშირებთ. უბრალოდ, ჰანა ოდესღაც კაფეში, მიმტანად მუშაობდა და დღესასწაულის დღეებში ამ სიმღერის ათასჯერ მოსმენა უწევდა.

როგორც გაირკვა, საახალწლო ჰიტი მსოფლიოში მხოლოდ მაზეტებს არ აღიზიანებთ - წყვილმა უკვე მოახერხა 300-ზე მეტი ადამიანისგან 62100 დოლარის შეგროვება, თუმცა მიზნამდე ჯერ გრძელი გზაა - Last Christmas-ის საავტორო უფლებების შესაძენად, მათ 25 მილიონ დოლარამდე გადახდა მოუწევთ.