ჭიქა ულვაშებისთვის ჯენტლმენებისთვის

ვიქტორიანულ ეპოქაში ყველა ჯენტლმენი, ვინც საკუთარ თავს პატივს სცემდა, ულვაშს ატარებდა. ვიქტორიანელ ჯენტლმენებს ძალიან უყვარდათ თავიანთი ულვაშები, საათობით ივარცხნიდნენ, რათა განსაკუთრებული ჰაეროვნება მიენიჭებინათ. ამის შემდეგ კი ცვილს ისვამდნენ, რომლის მეშვეობითაც სასურველ ფორმას აძლევდნენ. აი, ცხელი სასმელების დაგემოვნებისას კი ორთქლი ცვლის ადნობდა, რომელიც საბოლოოდ ჭიქაში აღმოჩნდებოდა ხოლმე.

ბუნებრივია, ამ დროს ჩაის გემო ეკარგებოდა, ულვაშებს კი - ფორმა. კიდევ ერთი საშიშროება ის იყო, რომ ჩაით თუ ყავით დასველებული ულვაში ფერსაც იცვლიდა.

ამიტომაც საჭირო გახდა, რამე მოეფიქრებინათ. 1860 წელს ინგლისელი ჰარვი ადამსის ამ გენიალურმა გამოგონებამ ულვაშიან ჯენტლმენებს ცხელი სასმელებით ტკბობის საშუალება მისცა.

ჭიქა ულვაშებისთვის - ეს იყო ჩვეულებრივი ჭიქა, სპეციალური პატარა „მოედნით“, სადაც ულვაშების მოთავსება შეიძლებოდა. სიახლე ყველას მოეწონა და მალე მთელ ევროპაში გავრცელდა.

ასევე, საინტერესოა:

ეტიკეტის 10 წესი, რომელიც, სასურველია, ყველამ იცოდეს

წვეულების ეტიკეტი - სუფრასთან ქცევის წესები, რომლებიც ბევრმა დაივიწყა

რატომ არ შეიძლება ტელეფონის მაგიდაზე დადება? - ეს და კიდევ 22 მთავარი წესი!