ფეხსაცმელი, როგორც ოქსფორდის უნივერსიტეტის კულტურული მემკვიდრეობა

ხარისხიანი ფეხსაცმელი მამაკაცის გარდერობის განუყოფელი ნაწილი და მისი სწორად შერჩევა არანაკლებ მნიშვნელოვანია, ვიდრე ტანსაცმლის სტილი.

ოქსფორდები, ბროგები, დერბები, ლოფერები — მამაკაცის უკიდურესად პოპულარული მოდელებია ფეხსაცმელში. ეს არის ყოველდღიურად ან ოფიციალურ ღონისძიებაზე ჩასაცმელი ტყავის ფეხსაცმელი, რომელსაც დაბალი ქუსლი აქვს.

რა არის ოქსფორდები?

ოქსფორდები თავდაპირველად, ოქსფორდის უნივერსიტეტის ტერიტორიაზე, ოფიციალური ღონისძიებებისთვისა და საქმიანი შეხვედრებისთვის შეიქმნა.
მალე ეს მოდელი საუნივერსიტეტო აუდიტორიებს გასცდა და სტილის, ელეგანტურობისა და პრესტიჟის სიმბოლოდ იქცა.
კლასიკური დიზაინის და უნივერსალურობის გამო ოქსფორდები არა მხოლოდ დიდ ბრიტანეთში, არამედ მთელ მსოფლიოში მამაკაცების გარდერობის შეუცვლელ ნაწილად იქცა.

ამ მოდელის განმასხვავებელი ნიშნებია:

• დახურული შნურები,
• პრიალა ცხვირი (cap toe)
• და არავითარი ნახვრეტები!

ამგვარად, ოქსფორდები ელეგანტურობის, ტრადიციებისა და ოქსფორდის უნივერსიტეტის კულტურულ მემკვიდრეობის და მთლიანად, ბრიტანული საქმიანი სტილის სიმბოლოდ იქცა.

საინტერესო ფაქტი

ყველამ ვიცით, რომ მოლაპარაკებაზე ჭუჭყიანი ფეხსაცმლით მისვლა პარტნიორის საშინელი შეურაცხყოფაა, მაგრამ იცით თუ არა, როგორ შეიძლება ფეხსაცმლის მეშვეობით კარგი შთაბეჭდილების მოხდენა?

თუ შეხვედრაზე ოქსფორდებით მიხვედით — ესე იგი, აშკარად სერიოზული განზრახვები გაქვთ.

თუ გინდათ, რომ შთაბეჭდილება ცოტა შეამსუბუქოთ, მაშინ ბროგები უნდა ჩაიცვათ. ის ირლანდიასა და შოტლანდიაში სოფლის მოსახლეობისთვის შეიქმნა. დიახ, თანამედროვე საქმიანი სტილის კლასიკა ფერმერებისგან წამოვიდა!

პერფორაციის ანუ სხვადასხვა პატარა ნახვრეტების ზოლების სახით დატანის იდეას broguing ეწოდება და კელტური სიტყვიდან brogues მომდინარეობს.

რა შუაშია სოფელი?

საქმე ისაა, რომ სოფელში ნოტიო კლიმატი და ასფალტის არარასებობა ფეხსაცმელს ასველებდა და მის გამძლეობას მნიშვნელოვნად ამცირებდა. ხშირად ადამიანებს ფეხსაცმლის გახდა და წყლის გადაღვრა უწევდათ. ნახვრეტების დახმარებით ფეხსაცმელი სწრაფად შრებოდა და ტენიან, ჭაობიან გარემოში ცხოვრებას მნიშვნელოვნად ამარტივებდა.

დღეს, ოფისის თანამშრომლების, რომლებსაც ბროგები აცვიათ, ნახვრეტების დანიშნულებაზე წარმოდგენა არ აქვთ, თუმცა მოდელი აქტუალობას XVI საუკუნიდან მოყოლებული, არ კარგავს.

***

დიდ ბრიტანეთში გამოუშვეს წინდები ხელოვნური ინტელექტით

ჭიქა ულვაშებისთვის ჯენტლმენებისთვის

რატომ დასაჯეს ინგლისელებმა ცილინდრის გამომგონებელი?