„ეიფელის ყავისფერი“ - მსოფლიოში ერთადერთი ნაგებობა, რომელსაც საკუთარი, დაპატენტებული ფერი აქვს

1900 წელს გუსტავ ეიფელმა კოშკის შესახებ დაწერილ წიგნში ჩაწერა, რომ რეგულარული შეღებვა ლითონის კონსტრუქციის ხანგრძლივ სიცოცხლეს უზრუნველყოფს. საღებავი კოშკს დაიცავს ქარისგან, მზისა და ტენიანობისგან და ოსტატი სრულიად მართალი იყო.

დღეს მოქმედი რეგულაციების თანახმად, კოშკს ყოველ 7 წელიწადში ერთხელ ღებავენ.

ეიფელის კოშკი თავისი არსებობის მანძილზე 19-ჯერ შეიღება. ამისთვის ყოველ ჯერზე, 60 ტონაზე მეტი საღებავი, 1,5 ათასი ჯაგრისი და 2 ჰექტარი დამცავი სამშენებლო ბადე იხარჯება, რომელიც პარიზელებს კოშკიდან შემთხვევით ცამოცვენილი საგნებისგან იცავს. ბუნებრივია, ყოველი შეღებვის შემდეგ კოშკი რამდენიმე ათეული ტონით მძიმდება.

„ეიფელის ყავისფერს“ სამი შეფერილობა აქვს. მათ შორის ყველაზე მუქით კონსტრუქციის პირველ დონეს ღებავენ. შედარებით ღია ფერი შუა ნაწილის შესაღებად გამოიყენება, ხოლო ზედა ნაწილი ყველაზე ღია საღებავით იფარება. ეს იმისათვის კეთდება, რომ კოშკი ცის ფონზე უფრო ლამაზად და ჰარმონიულად გამოიყურებოდეს.