ექსკურსია ადამიანის სხეულში! (ვიდეო)

მშენებლობა 2006 წელს დაიწყო და 2008 წლის 14 მარტს საზეიმოდ გაიხსნა.

მუზეუმს, რომლის სახელია Corpus, მსოფლიოში ანალოგი არ გააჩნია.
7-სართულიანი შენობა მინისა და ბეტონისგანაა აგებული. მის ცალ მხარეს ფოლადის ადამიანის 35-მეტრიანი ფიგურა დგას.

მუზეუმში ექსკურსია 55 წუთს გრძელდება. სხვადასხვა ეფექტის წყალობით დამთვალიერებლებს შესაძლებლობა აქვთ, ნახონ, როგორ ფუნქციონირებს ადამიანის ორგანოები.
განსაკუთრებულ აღტაცებას ხმოვანი გაფორმება იწვევს, რომელიც ადამიანის სხეულის ნატურალურ ხმებს იმეორებს.

ზოგ შემთხვევაში კი ფანტაზიის გარეშე არ გამოვიდა. ასე, მაგალითად, სპერმატოზოიდების მოძრაობას ფონად ცხენების თქარათქური გასდევს. მართალია, სინამდვილეში ასე არ ხდება, მაგრამ ამ შემთხვევაში საკმაოდ სახალისო სანახაობაა.