ვინ არის ბიჭი, ვინც 12 წლისამ კვანტურ ფიზიკაში მაგისტრის დიპლომი აიღო?

ლორან სიმონსი (Laurent Simons) 2010 წლის 13 იანვარს დაიბადა. მისი მშობლები აღნიშნავენ, რომ ლორანს, სათამაშოებზე და თანატოლებთან თამაშზე მეტად, მათემატიკური განტოლებების ამოხსნა იზიდავდა, ამიტომ არავის გაჰკვირვებია, რომ სკოლა 8 წლის ასაკში დაამთავრა.

ლორანის დედის თქმით, მის შვილს ფოტოგრაფიული მეხსიერება აქვს და მისი ტვინი ინფორმაციას „ღრუბელივით ისრუტავს“. ცნობისთვის, ლორანის IQ 145-ს შეადგენს.

ბაკალავრიატი და მაგისტრატურა

11 წლის ასაკში ლორან სიმონსმა ანტვერპენის უნივერსიტეტში ფიზიკის ბაკალავრის ხარისხი მოიპოვა უმაღლესი შეფასებით (Summa Cum Laude), 12 წლისამ კი უკვე კვანტურ ფიზიკაში მაგისტრის დიპლომი აიღო.

დოქტორის ხარისხი (PhD)

2025 წლის ბოლოს, 15 წლის ასაკში, მან წარმატებით დაიცვა სადოქტორო დისერტაცია კვანტურ ფიზიკაში და მსოფლიოში ერთ-ერთი ყველაზე ახალგაზრდა დოქტორი გახდა.

მიზანი — „ადამიანის უკვდავება“

მასობრივ მედიაში „პატარა აინშტაინად“ წოდებული ახალგაზრდა მეცნიერი აცხადებს, რომ კვანტური ფიზიკა მხოლოდ პირველი ნაბიჯი იყო.

დოქტორანტურის დასრულების შემდეგ ლორანმა მეორე სადოქტორო პროგრამაზე დაიწყო სწავლა მედიცინის და ხელოვნური ინტელექტის მიმართულებით. მისი მიზანი ხელოვნური ორგანოების შექმნა, ბიოლოგიური სიცოცხლის ხანგრძლივობის გაზრდა და ადამიანის ორგანიზმის ტექნოლოგიურად გაუმჯობესებაა.

რა თქმა უნდა, მშობლები შვილის ნიჭით ძალიან ამაყობენ. „მნიშვნელობა არ აქვს, მშენებელი გახდება თუ მათემატიკოსი, მთავარია, ბედნიერი იყოს“ — აღნიშნა ლორანის მამამ თავის ერთ-ერთ ინტერვიუში.

ოჯახი

ლორან სიმონსის მშობლები — ალექსანდრ სიმონსი (Alexander Simons) და ლიდია სიმონსი (Lidia Simons) — პროფესიით სტომატოლოგები არიან. ამჟამად ისინი შვილთან ერთად გერმანიაში, კერძოდ მიუნხენში ცხოვრობენ, სადაც ლორანი თავის სამეცნიერო კვლევებს აგრძელებს.

თავდაპირველად, როდესაც ბებია-ბაბუამ ბავშვის განსაკუთრებულ ნიჭზე მიანიშნეს, დედას ეს გადაჭარბებულად მოეჩვენა. თუმცა, მას შემდეგ, რაც სკოლის მასწავლებლებმაც დაადასტურეს ლორანის ფენომენალური შესაძლებლობები, მშობლებმა ყველაფერი გააკეთეს მისი განათლების ხელშესაწყობად.

ლორანის მთავარი ოცნება — შექმნას ხელოვნური ორგანოები და გაახანგრძლივოს ადამიანის სიცოცხლე — სწორედ ლიდიას მშობლების (ბებია-ბაბუის) გარდაცვალებასა და მათ გულის დაავადებებს უკავშირდება. მშობლები მაქსიმალურად უდგანან გვერდით შვილს ამ ჰუმანური მისიის შესრულებაში.]

მამა, ალექსანდრი, აქტიურად ითავსებს ლორანის მენეჯერის როლს. მან უარი უთხრა ამერიკულ და ჩინურ ტექნოლოგიურ გიგანტებს მრავალმილიონიან შეთავაზებებზე, რათა თავიდან აეცილებინა შვილის ნიჭის კომერციალიზაცია და ბავშვისთვის მეცნიერებისადმი წმინდა ინტერესი შეენარჩუნებინა.

დედა, ლიდია, მუდამ ზრუნავს იმაზე, რომ ლორანმა თავი მხოლოდ „რობოტად“ არ იგრძნოს. ის ხშირად აბრუნებს ხოლმე შვილს რეალობაში და შეახსენებს, რომ ის ჯერ ბავშვია, რომელსაც სახლში ჩვეულებრივი ბავშვური რეჟიმი სჭირდება.

***

სად გაქრა მსოფლიოში ყველაზე ჭკვიანი ბიჭი, რომელსაც აინშტაინსა და ჰოკინგზე მაღალი IQ აქვს

ტრაგიკული ამბავი ბიჭისა, რომელსაც გოგოდ ზრდიდნენ

რამდენად ნიჭიერი შვილი გყავთ? (ტესტი)