საკნატუნო ამბები

იტალიურ სოფელს „ხელოვნური მზე“ დაუმონტაჟეს

funtime

16:00 შაბ. 31 ივლისი

ხელოვნური მზე
14
დაკოპირებულია

მილანიდან 130 კილომეტრში, პატარა, ლამაზი სოფელი მდებარეობს, სახელად ვიგანელა. იგი მთებითაა გარემოცული და 11 ნოემბრიდან 2 თებერვლამდე აქ მზის სხივი ვერ აღწევს. ვიგანელებს რამდენიმეთვიანი წყვდიადი ძალიან აწუხებდათ, ამიტომ ფიქრი დაიწყეს „ხელოვნური მზის“ შექმნაზე, რომელიც ზამთარში თუ არ გაათბობდათ, გაანათებდათ მაინც.

დიდი ფიქრის შემდეგ, ვიღაცას აზრად მოუვიდა მთის თავზე, 870 მეტრის სიმაღლეზე 40 კვადრატულმეტრიანი სარკის დაყენება, რომელიც მნათობის სხივებს აირეკლავდა და სოფლისკენ მიმართავდა.
ეს უჩვეულო იდეა ჯერ ადგილობრივ გაზეთში გამოჩნდა, შემდეგ რეგიონულში და ბოლოს უცხოეთის სამეცნიერო პოპულარული ჟურნალები მოიარა.

გერმანულმა, შვეიცარიულმა და ამერიკულმა კომპანიებმა პროექტში მონაწილეობის სურვილი გამოთქვეს, თუმცა ვიგანელას მცხოვრებლებმა, პატრიოტული მოსაზრებებით, იტალიურ კომპანიებთან მუშაობა არჩიეს.

უჩვეულო პროექტის განსახორციელებლად, დაახლოებით, 100 000 ევრო იყო საჭირო. თანხის შეგროვებაში ვიგანელებს „ხელოვნური მზის“ შექმნით დაინტერესებული ადამიანები მთელი მსოფლიოდან დაეხმარნენ.

2006 წლის დეკემბერში ვიგანელასთან ახლოს მდებარე ერთ-ერთი მთის თავზე დააყენეს ერთტონიანი, ფოლადის ფურცლისგან დამზადებული ამრეკლავი მოწყობილობა.

„ხელოვნური მზე“ მიერთებულია კომპიუტერთან, რომლის მიხედვითაც ხდება მზის მდგომარეობის დადგენა და სარკეც ისე ტრიალდება, რომ მზის სხივები სოფელზე თანაბრად განაწილდეს.
„ხელოვნურ მზეს“ ერთდროულად მხოლოდ 300 კვ.მ ფართობის განათება შეუძლია, ამიტომ კომპიუტერი აკონტროლებს, რომ მზის სხივების გარეშე სოფლის არცერთი კუთხე არ დარჩეს.

სოფლის მერი აღნიშნავს, რომ „ხელოვნური მზის“ დაყენების შემდეგ ვიგანელას მცხოვრებთა განწყობა სრულიად შეიცვალა. თუ ადრე საკვირაო მესის დასრულებისთანავე ადამიანები სახლებში მიიჩქაროდნენ, ახლა სოფლის ცენტრალურ მოედანზე იკრიბებიან და სამყაროს უცნაურობებზე საუბრობენ.


სიახლეები ამავე კატეგორიიდან

კატები სახელმწიფო სამსახურში და მათ...

კატები სახელმწიფო
სამსახურში

იაპონიამ დისტანციური მუშაობისთვის მ...

იაპონური მინი-ოფისი

დასახლება დედამიწაზე, სადაც გარდაცვ...

ლონგირი, ნორვეგიის
პროვინცია

როგორ გაიტაცეს ბანკომატებიდან 13 მი...

ბანკომატების მასშტაბური
ძარცვა იაპონიაში

უცნობი გოგონას ამბავი, რომელმაც 2 მ...

Resusci Anne

გახდომის 7 ყველაზე საშიში და უცნაურ...

უცნაური დიეტები ძველ
დროში

7 ფილმი, რომელიც ბელმონდოს შეგაყვარ...

ბელმონდოს 7 საუკეთესო როლი

9 შვილის მამამ შემთხვევით გაიგო, რო...

9 შვილის მამამ შემთხვევით
გაიგო, რომ დაბადებიდან
უნაყოფოა!

„სიმპსონების“ მისტიკა - მომავლის წი...

სიმფსონები და
კორონავირუსი