ლონდონის ტემზაში სველი ხელსახოცების კუნძული გაჩნდა

ბრიტანეთის ხელისუფლებამ თავის მოქალაქეებს არაერთხელ სთხოვა, რომ ხელსახოცები უნიტაზში არ ჩაერეცხათ. ამ ჰიგიენური საშუალებების საერთოდ აკრძალვაც კი იგეგმება, თუმცა სანამ თემა პარლამენტში განიხილება, მდინარეებში ათასობით ტონა ხელსახოცი ხვდება.

ყველაზე ცუდი ისაა, რომ სინთეტიკური მასალა, რომლისგანაც ხელსახოცები მზადდება, წყალში არ იხსნება და კანალიზაციის მილების გავლის შემდეგ მდინარეში გროვდება. ასეთი ხელოვნური კუნძულები ეკოსისტემას სერიოზულად აზიანებს, მდინარეებსა და ზღვებს წამლავს, წყლის ბინადრებისა და ადამიანის სხეულშიც კი აღწევს. გარდა ამისა, კანალიზაციის მილებისა და კოლექტორების კედლებს ტონობით სველი ხელსახოცი ეკრობა და მათი მოცილება საკმაოდ ძნელია.

ესეც საინტერესოა:

👉 ამ ფოტოებზე ნათლად ჩანს, თუ რას უშავებს ადამიანი პლანეტას

👉 9 საყოფაცხოვრებო ნივთი, რომელსაც ეკოლოგიისთვის კატასტროფული შედეგები მოაქვს

👉 გაზეთი, რომელიც წაკითხვის შემდეგ შეგიძლიათ, მიწაში ჩარგოთ და იყვავილებს

წყარო: www.mirror.co.uk