ფერადკანიან ნიგერიელ წყვილს თეთრკანიანი შვილი შეეძინა

fun time

16:50 ხუთ. 3 აპრილი

დაკოპირებულია

როდესაც თავისი ახალშობილი ქალიშვილი პირველად დაინახა, ანჯელა იჰეკბორომ მეტყველების უნარი დაკარგა - გოგონას ქათქათა თეთრი კანი, ცისფერი თვალები და ქერა თმა ჰქონდა. ამაში უჩვეულო არაფერი იქნებოდა, რომ არა ის ფაქტი, რომ ბავშვის მშობლები ფერადკანიანი ნიგერიელები არიან, რომლებიც რამდენიმე წლის წინ საცხოვრებლად ინგლისში გადავიდნენ.

დედაზე არანაკლებ გაოგნებული იყო ბავშვის მამა.

„ჩემი მშობლები ნიგერიელები არიან და ჩვენს ოჯახში თეთრკანიანი არასოდეს ყოფილა” - ამბობდა ბენ იჰეკბორო.

ბედნიერმა მამამ ცოლის ღალატის ვერსია მაშინვე გამორიცხა: „ანჯელა ერთგული ცოლია, ნმაჩი კი ჩემი ქალიშვილი. თუნდაც ვივარაუდოთ, რომ ანჯელამ მომატყუა, ბავშვი მულატი იქნებოდა და არა თეთრი.“

ბენის სიტყვებს ოქსფორდის უნივერსიტეტის გენეტიკოსებიც ადასტურებენ, რომლებიც ეჭვობენ, რომ ამ შემთხვევაში რაღაც გენეტიკური ხარვეზი მოხდა, რადგან გოგონა გრძელი, ხვეული ქერა თმით დაიბადა, როცა ახალშობილ ბავშვებს თავზე, თმის ნაცვლად, ღინღლი აქვთ.

ერთ-ერთი ვერსიის თანახმად, ნმაჩის (სახელი ნიგერიულად ღვთის მიერ ბოძებულ სილამაზეს ნიშნავს) თანდაყოლილი ალბინიზმი აქვს. ეს პიგმენტ მელანინის არარსებობაა, რომელიც კანს, თმას და თვალს ფერს აძლევს.

როგორც არ უნდა იყოს, ქერა ქალიშვილი მისი მშობლებისთვის ნამდვილ ანგელოზად იქცა. წყვილის ოჯახში ეს უკვე მესამე შვილია. პირველ ორს, წარმოშობის გათვალისწინებით, კანის ნორმალური ფერი აქვს.