რა აჩუქა ბენგალმა მსოფლიოს?

fun time

18:45 ორშ. 17 თებერვალი

დაკოპირებულია

ბენგალი ინდოეთის ისტორიული მხარეა, რომელიც ბენგალის ყურის სანაპიროზე მდებარეობს. ოდესღაც აქ ინგლისელებს ჩინეთში გასაგზავნად ოპიუმი მოჰყავდათ, თუმცა ოპიუმის გარდა, ამ მხარემ მსოფლიოს ფუმფულა ბენგალური კატა, მრისხანე ბენგალური ვეფხვი და ულამაზესი საახალწლო პიროტექნიკა აჩუქა.

დიახ, ყველასთვის ნაცნობი ბენგალური შუშხუნები სწორედ ბენგალელებმა გამოიგონეს. ის მარილის, გოგირდისა და ანტიმონის სულფიდის სპეციალური ნაზავია, რომელიც წვისას კაშკაშა თეთრ ან ფერად ცეცხლს წარმოქმნის.

ბამბუკის ღერებში მოთავსებულ ბენგალურ ცეცხლს ძველ დროში ერთ-ერთ სასიგნალო მეთოდად იყენებდნენ. დღეს ბამბუკის ღერებით სიგნალების გაგზავნის აუცილებლობა აღარ არსებობს და ბენგალური ცეცხლი საახალწლო ზეიმის ატრიბუტად იქცა.