როგორ იძია შური მიკი რურკის ხასიათზე მიკი რურკის სხეულმა

მიკიმ თავის დროზე ბევრი რამ გადაიტანა, რაც მის ჯანმრთელობაზეც აისახა. მისი ისტორია კიდევ ერთი მაგალითია, რომ ყველა არჩევანს თავისი შედეგები აქვს.

როგორი იყო?

ბევრის მეხსიერებაში მიკი რურკი მიმზიდველ მამაკაცად და ჰოლივუდის სექსსიმბოლოდ დარჩა.

კრივით გატაცებამ მას სპორტული აღნაგობა და უამრავი თაყვანისმცემელი ქალი აჩუქა, თუმცა დიდება მისთვის გამოცდად იქცა, რომელსაც ვერ გაუმკლავდა.

ფოტოზე: მიკი რურკი და კიმ ბესინგერი 1986 წ. (9 ½ კვირა)

ფილმ „9 ½ კვირის“ გამოსვლის შემდეგ მიკიმ ყველა შესაძლო და შეუძლებელი სიმაღლე დაიპყრო. ყურადღება, ქალები, ფული - მას ყველაფერი ჰქონდა და სწორედ ეს გახდა პირველი ნაბიჯი დაცემის გზაზე.

პირველი ცვლილებები

მსახიობის გარეგნობაში ცვლილებების ისტორია პირდაპირ უკავშირდება მის ვარსკვლავურ დაავადებას, რომელმაც ქალების რჩეული საბოლოოდ დაღუპა.

გადასაღებ მოედანზე გაუთავებელი სკანდალების გამო, მსახიობი რეჟისორებისთვის ნამდვილ კოშმარად იქცა. ჰოლივუდმა რურკი შეიძულა და მისი ცხოვრებაში ბნელი პერიოდი დადგა. დაძაბული ურთიერთობა ჰქონდა თავის პარტნიორთან ფილმში „9 ½ კვირა“, უმშვენიერეს კიმ ბესინჯერთან, რომელიც მიკის მხოლოდ 22 წლის შემდეგ - 2008 წელს შეურიგდა.

ფოტოზე: მიკი რურკი და კიმ ბესინგერი 2008 წ.

მიკის დეპრესია დაეუფლა და დარდის ჩახშობა ალკოჰოლით სცადა. რაღაც პერიოდში, ის 5 თვის მანძილზე სახლიდან არ გასულა და საკუთარ კარადაშიც კი ეძინა. რა თქმა უნდა, ასეთი ცხოვრების წესი მიკის გარეგნობაზეც აისახა - ამ უღიმღამო კაცში სულ უფრო რთული ხდებოდა ჰოლივუდის ცნობილი გულთამპყრობელის ამოცნობა.

საბედისწერო არჩევანი

შემდეგ რურკმა გადაწყვიტა, რომ ხსნა ახალგაზრდობის დროინდელ გატაცებაში ეპოვა. მან კინო მიატოვა და კრივს დაუბრუნდა. იდეალური სცენარის მიხედვით, ფიზიკური დატვირთვა ადამიანის გარეგნობაზე დადებითად უნდა აისახოს, თუმცა რურკის შემთხვევაში ყველაფერი სხვანაირად გამოვიდა.

სამართლიანობა მოითხოვს, აღვნიშნოთ, რომ მსახიობმა კრივში კარგ შედეგებს მიაღწია: ექვსი მოგება, ორი ფრე, ბრძოლა იაპონიაში, გერმანიასა და ესპანეთში. თუმცა, კრივი არა მხოლოდ სანახაობრივი, არამედ სასტიკი სპორტიცაა და ხშირად ტრავმები ახლავს. გატეხილი ცხვირი, ოთხჯერ ტვინის შერყევა, ნაკბენი ენაზე, თითებისა და ნეკნების მოტეხილობა - ეს არასრული ჩამონათვალია იმისა, რაც კრივში დაბრუნებამ გამოიწვია. მსახიობს მეხსიერების დაკარგვა სერიოზულ პრობლემად ექცა.

პლასტიკური ოპერაციის შედეგები

კრივმა მიკი უამრავი ტრავმით დააჯილდოვა, სახე კი ყველაზე მეტად დაზარალდა. მსახიობმა სიტუაციის გამოსწორება სცადა და დახმარებისთვის პლასტიკურ ქირურგებს მიმართა. ეს იყო კიდევ ერთი საბედისწერო გადაწყვეტილება, რომელმაც მსახიობი სამუდამოდ შეცვალა და გააქრო ის გამომეტყველება, რომელიც თავის დროზე მილიონობით ქალს აღაფრთოვანებდა.

„მე ორჯერ გამიტეხეს ცხვირი. საბოლოოდ, ცხვირზე 5 ოპერაციის გარდა, გატეხილი ლოყის ძვალზეც ოპერაცია გამიკეთეს. ცხვირის აღსადგენად, ყურიდან ხრტილი ამომიღეს, რადგან ქსოვილი არ ხორცდებოდა”, - თქვა მიკიმ ერთ-ერთ ინტერვიუში.

თანდათან რურკი პლასტიკურ ოპერაციებზე დამოკიდებული გახდა. საბოლოოდ, ქირურგებს მხოლოდ ტრავმით დაზიანებულის აღსადგენად არ მიმართავდა - ტუჩები დაიბერა და ბოტოქსი გაიკეთა, მაგრამ ყველა მცდელობამ უშედეგოდ ჩაიარა.

„გაუსაძლისია სარკეში იმის ყურება, რომ შენი გარეგნობა დღითი დღე უარესდება“ - აღიარა მან.

რინოპლასტიკა, ნაზოლაბიული ნაოჭების გასწორება, სილიკონი კუნთებში - ყოველი ოპერაცია საოცნებო გარეგნობას აშორებდა.

რვა წლის წინ მიკი ქირურგებს წარუმატებელი ოპერაციების შედეგების გამოსწორება სთხოვა, რაც ნაწილობრივ, გამოვიდა. ამასთან, გადატანილი სირთულეების მიუხედავად, მსახიობს მაინც კარგი ჯანმრთელობა აქვს: 62 წლის ასაკში მას შეუძლია რინგზე გასვლა, ახალგაზრდა მოკრივის დამარცხება და მუცლის პრესით თავის მოწონება. ის არ ნებდება და განაგრძობს საკუთარ თავზე მუშაობას, მაგრამ წარსულის შეცდომებმა მის გარეგნობაზე წარუშლელი კვალი დატოვა.

მიკი რურკი, 2009 წელი 👇

მიკი რურკი, 2010 წელი 👇

მიკი რურკი, 2011 წელი 👇

მიკი რურკი, 2017 წელი 👇

მიკი რურკი, 2020 წელი 👇