შვედეთი: მისალმება აუცილებელია თქვენი კეთილდღეობისთვის

ქალაქი ლულეო (შვედ. Luleå) 1621 წელს დაარსდა. ის ჩრდილო-აღმოსავლეთ შვედეთში მდებარეობს და ამავე სახელწოდების მუნიციპალიტეტის ცენტრია.

ქალაქში 80 ათასამდე ადამიანი ცხოვრობს. აქ განვითარებულია შავი მეტალურგია, მანქანების, ხე-ტყისა და ცელულოზის წარმოება.

ლულეოში 31 ოქტომბერს სოციალური ქსელებით დაიწყო ერთთვიანი სოციალური კამპანია და მისი არსი ადამიანური ურთიერთობების წახალისებაა.

სოციალურ ქსელებში გავრცელდა ვიდეო, სადაც ჩანს, როგორ ეცვლება ადამიანს გამომეტყველება მას შემდეგ, რაც სრულიად უცნობი ადამიანი, შემთხვევითი გამვლელი მიესალმება და როგორ ჩნდება მის მოღუშულ სახეზე ღიმილი.

მუნიციპალიტეტის სოციალური სტრატეგი ასა კოსკი, ამბობს, რომ ბუნებით ინტროვერტ შვედებს სულ უფრო ხშირად აწუხებთ დეპრესია და ერთმანეთთან კომუნიკაცია სჭირდებათ. ადამიანებს, რომლებიც დროის უმეტეს ნაწილს სახლში ატარებენ, ასეთი კამპანია ურთიერთობების დამყარებაში უნდა დაეხმაროს.

ესეც საინტერესოა:

რატომ არ უყვართ შვედებს სტუმრები?

შვედური ღუმელი - ევროპა ტრადიციებს უბრუნდება

„ABBA არ იყიდება“ - რატომ თქვა შვედურმა პოპ-ჯგუფმა მილიარდ დოლარზე უარი?

წყარო: lifestyle.livemint.com