მაიონეზის სამარხვო ტორტი

ცომისთვის საჭირო პროდუქტი:

მარგარინი „ონა“ - 250 გრ.
სამარხვო მაიონეზი - 250 გრ.
შაქარი - 2 ჩ/ჭ.
სოდა - 1 ჩ/კ.
ვანილი - დანის წვერით
გახეხილი ლიმონი - 1 ცალი
ფქვილი - 6 ჭიქა
მწიკვი მარილი.

კრემისთვის საჭირო პროდუქტი:

ფქვილი - 1 ჭიქა
წყალი - 3 ჭიქა, მარგარინი „ვიტამი“ – 250 გრ.
ვანილი - დანის წვერით
გახეხილი ვაშლი - 2 ცალი.

შოკოლადის მინანქარისთვის საჭირო პროდუქტი:

შაქარი -1 ჭიქა
კაკაო - 3 ს/კ.
წყალი - 3 ს/კ.
ზეთი - 1 ს/კ.
მარგარინი - 50 გრ.

მომზადების წესი:

დარბილებული მარგარინი, შაქარი და მაიონეზი ხელით კარგად მოზილეთ. დაუმატეთ სოდა, ვანილი, გახეხილი ლიმონი, მარილი, ფქვილი და ცომი მოზილეთ.

ცომი სამ თანაბარ ნაწილად გაყავით და ცხიმწასმულ კულინარიულ ქაღალდზე გამოაცხვეთ.

კრემის მოსამზადებლად ფქვილი და შაქარი ერთმანეთში აურიეთ.
დაუმატეთ წყალი და დაბალ ცეცხლზე განუწყვეტელი მორევით წამოადუღეთ. ფაფა რომ გაგრილდება, მარგარინი დაუმატეთ და კარგად ათქვიფეთ.

ნამცხვრის პირველ ფენას კრემი წაუსვით და მეორე ფენა დააფარეთ.
მეორე ფენაზე გახეხილი ვაშლი თანაბრად გადაანაწილეთ და მესამე ფენა დააფარეთ.
მესამე ფენას ისევ კრემი წაუსვით და ბოლოს შოკოლადის მიმანქარი მოასხით.

შოკოლადის მიმანქრის მოსამზადებლად, პატარა ჯამში მოათავსეთ შაქარი, კაკაო, წყალი და ზეთი.
კარგად მოურიეთ და დაბალ ცეცხლზე დადგით, რომ წამოდუღდება, მარგარინი ჩააგდეთ.
1-2 წუთი კიდევ ადუღეთ და ცეცხლიდან გადმოდგით.

გემრიელად მიირთვით!