სამარხვო ნამცხვარი ნიგვზით

საჭირო პროდუქტი:

• ფქვილი - 260 გრ.
• შაქარი - 150 გრ.
• ნიგოზი - 40 გრ.
• ჩირი - 40 გრ.
• წყალი - 200 მლ.
• მცენარეული ზეთი - 65 მლ.
• გამაფხვიერებელი - 7 გრ.
• ვანილი
• 1 ფორთოხლის ან ლიმონის ცედრა
• 1/2 ლიმონის წვენი.

მომზადების წესი:

1. ფქვილს დაუმატეთ შაქარი, ვანილი, გამაფხვიერებელი, ფორთოხლის ან ლიმონის ცედრა, წვრილად დაჭრილი ჩირი და ნიგოზი, შემდეგ ყველაფერი კარგად აურიეთ.

2. მშრალ ნარევს დაასხით წყალი, ზეთი, ლიმონის წვენი და კარგად აურიეთ.

3. 13x23 სმ. ზომის საცხობ ფორმას წაუსვით ზეთი და ჩაასხით ცომი.

4. ნამცხვარი 180°C-ზე, დაახლოებით 40 წუთის განმავლობაში გამოაცხვეთ.

5. მზა ნამცხვარი ფორმიდან ამოიღეთ და შაქრის პუდრა მოაყარეთ.

6. ეს სამარხვო ნამცხვარი მაღალი, ფაფუკი და ჰაეროვანი არ არის, მაგრამ საოცრად გემრიელი და არომატულია. გააგრილეთ და გემრიელად მიირთვით.