სამარხვო ნამცხვარი კაკაოთი

საჭირო პროდუქტი:

• ფქვილი - 210 გრ.
• ზეთი - 75 გრ.
• წყალი - 240 გრ.
• კაკაოს ფხვნილი - 35 გრ.
• შაქარი - 180 გრ.
• ვანილის შაქარი - 20 გრ.
• მარილი - მწიკვი
• გამაფხვიერებელი - 10 გრ.

მინანქარი წყლით

• კაკაოს ფხვნილი - 3 სუფრის კოვზი,
• შაქრის პუდრა - 3 სუფრის კოვზი
• სიმინდის სახამებელი - 1 ½ სუფრის კოვზი
• წყალი - 7 სუფრის კოვზი

მომზადების წესი

1. გააცხელეთ ღუმელი 175°C-მდე. გაცერით ფქვილი, კაკაო და გამაფხვიერებელი. დაუმატეთ მარილი, შაქარი, ვანილის შაქარი და აურიეთ.

2. ფქვილოვან მასას დაუმატეთ ოთახის ტემპერატურის წყალი (შეიძლება ჩაანაცვლოთ წვენით ან ყავით) და მცენარეული ზეთი. აურიეთ ერთგვაროვანი მასის მიღებამდე.

3. 21 სმ დიამეტრის ფორმას წაუსვით ცხიმი და ფქვილი მოაფრქვიეთ. ფორმაში ჩაასხით ცომი და 45-50 წუთის განმავლობაში აცხვეთ. ნამცხვრის მზადყოფნა ხის ჩხირით შეამოწმეთ.

4. ნამცხვარი გააგრილეთ.

მოამზადეთ მინანქარი წყლით

მშრალი ინგრედიენტები - კაკაოს ფხვნილი 3 სუფრის კოვზი, შაქრის პუდრა 3 სუფრის კოვზი, სიმინდის სახამებელი 1 ½ სუფრის კოვზი - გაცერით. თანდათანობით დაამატეთ ყინულიანი წყალი და ერთგვაროვანი მასის მიღებამდე ათქვიფეთ.

მოასხით ნამცხვარს მინანქარი და სურვილისამებრ, ქოქოსის ფანტელებით მორთეთ.

ნამცხვარი 7-8 საათი მაცივარში გააჩერეთ.

გემრიელად მიირთვით!

ესეც სცადეთ:

სამარხვო კრემიანი ფუნთუშები - ექსკლუზიურად „Funtime“-ის მკითხველისთვის

სამარხვო კრემი - ნებისმიერი ტორტისა თუ ნამცხვრისთვის (3 რეცეპტი)

შვრიის დესერტი ნიგვზითა და შავი ქლიავით - სამარხვო გემრიელობა