შვრიის დესერტი ნიგვზითა და შავი ქლიავით - სამარხვო გემრიელობა

საჭირო პროდუქტი:

• შავი ქლიავი - 80 გრ
• ნიგოზი - 65 გრ
• შვრიის ფანტელი - 2 ჭიქა
• თაფლი - გემოვნებით
• წყალი - 2 სუფრის კოვზი

მომზადების წესი:

1. შავი ქლიავი წვრილად დაჭერით; ნიგოზი დანაყეთ; შვრიის ფანტელი მშრალ ტაფაზე 5 წუთის განმავლობაში მოხალეთ;

2. შემდეგ ეს ყველაფერი ერთმანეთში აურიეთ და დაასხით ადუღებული ცხელი წყალი 2 სუფრის კოვზი. წყალი დაასხით თანდათანობით და არა - ერთბაშად; მასა უნდა მიიღოთ ნოტიო, სქელი და წებოვანი, მაგრამ არა - სველი;

3. ტაფაზე ქაღალდის ხელსახოცით მოუსვით ზეითუნის ზეთი. ზედ დადეთ მიღებული მასა და ხელით გადაასწორეთ/დატკეპნეთ. ამ პროცესის დროს მასა არ დაგეშალოთ - კვლავ წებოვანი და მკვრივი უნდა იყოს. თუკი შეატყობთ, რომ იშლება, დაამატეთ შვრიის ფანტელები;

4. ტაფა ძალიან დაბალ ცეცხლზე დადგით. უმჯობესია - გაზგამანაწილებელზე. სახურავი დაახურეთ. თითო მხარეს დაახლოებით, 7-10 წუთი აცხვეთ. ცოტათი უნდა შეიფეროს და კიდევ უფრო შეიკრას;

5. მეორე მხარეს გადმოსაბრუნებლად ტაფაზე მოთავსებულ მასას დაადეთ დიდი თეფში, შემდეგ ცალი ხელით თეფში გეჭიროთ, მეორით კი ტაფა გადააბრუნეთ. თეფშზე გამოუცხობი მხარე მოხვდება. და სწორედ ამ მხრიდან ნელ-ნელა ჩააცურეთ ტაფაზე.

გემრიელად მიირთვით!