7 სასარგებლო თვისება, რომელიც კარაქს შეგაყვარებთ

ეს რა თქმა უნდა, სიმართლეა, თუმცა ცხოვრებაში ყველაფერი შეფარდებითია:

• ჯერ ერთი, კარაქი თავისი 610-750 კალორიით (კალორაჟი დამოკიდებულია ცხიმის შემცველობაზე) არც ისე საშინლად ჩანს ზეითუნის ზეთის ფონზე, რომელიც 884 კკალ. შეიცავს.
• და მეორე - LDL-ის გარდა, კარაქი კარგი ქოლესტერინის (HDL) დონესაც ზრდის, რომელიც "ცუდ" ქოლესტერინს ებრძვის.

ამიტომ დადგა დრო, როდესაც მეცნიერებმა კარაქის მიმართ რისხვა წყალობით შეცვალეს და აღიარეს, რომ რომელიმე პროდუქტის მენიუდან სრულად გამორიცხვა მართალია სიცოცხლის ხანგრძლივობაზე მნიშვნელოვან გავლენას არ მოახდენს, მაგრამ დიდია შანსი, რომ მის ხარისხს გააუარესებს.

კარაქის სასარგებლო თვისებები

მოდით, გავარკვიოთ, თუ რა გავლენას ახდენს კარაქის ხშირი მოხმარება ჩვენს ორგანიზმზე?

1. კარაქის შემადგენლობაშია ომეგა-3, ომეგა-6, ასევე ცხიმში ხსნად A, E და D ვიტამინები, რომლებიც კანს, თმას და ფრჩხილებს დაბერებისგან და ულტრაიისფერი გამოსხივებისგან იცავენ და აძლიერებენ;

2. როგორ უცნაურადაც არ უნდა ჟღერდეს, კარაქი გულ-სისხლძარღვთა სისტემის ჯანმრთელობისთვის სასარგებლო პროდუქტია. დიახ, ის LDL დონეს ამაღლებს, მაგრამ ასევე ზრდის HDL-ის დონეს, რომელიც სისხლძარღვებში ქოლესტერინის დაფებს ანადგურებს. კარაქი ასევე შეიცავს ომეგა -3 ცხიმოვან მჟავებს, რომლებიც სისხლძარღვების ელასტიკურობას და ტონუსს უზრუნველყოფენ.

3. კარაქი აუმჯობესებს საჭმლის მომნელებელი სისტემის მუშაობას. მასში შემავალი გლიკოსფინგოლიპიდები ნაწლავებს სხვადასხვა ინფექციებისგან იცავენ, მაგრამ ეს ყველაფერი არ არის - A ვიტამინი კუჭ-ნაწლავის სისტემაში ანთებით პროცესებს ებრძვის.

4. რძის ცხიმი ტრიპტოფანს შეიცავს, რომლის დახმარებითაც ორგანიზმი სეროტონინს გამოიმუშავებს. ის კი თავის მხრივ:

• აწესრიგებს შფოთვას,

• ასტიმულირებს ძილსა და სიფხიზლეზე პასუხისმგებელ ტვინის უბნებს,

• ზრდის სისხლძარღვთა ტონუსს და აწესრიგებს სისხლის შედედებას,

• ტოქსიკაციის შემთხვევაში აწესრიგებს კუჭ-ნაწლავის სისტემის მუშაობას,

• სასიკეთოდ მოქმედებს ლიბიდოზე,

• ააქტიურებს ნივთიერებთა ცვლას,

• ჰიპოფიზის ჯირკვლის მუშაობაში მონაწილეობს,

• ეხმარება ძვლოვანი სისტემის ჯანმრთელობას.

5. კარაქში შემავალი ვიტამინი D, რძის ცხიმი და ომეგა-6 მეხსიერებას და ყურადღებას აუმჯობესებს, იცავს და აძლიერებს ცენტრალურ ნერვულ სისტემას და ტვინის უჯრედების განახლებაში მონაწილეობს - სწორედ ამიტომ კარაქი განსაკუთრებით სასარგებლოა მათთვის, ვინც გონებრივი შრომით არის დაკავებული.

6. კარაქის შემადგენლობაში შემავალი ლაურინის მჟავა პათოგენური სოკოების განვითარებას აფერხებს.

7. მაღალი კალორიულობის დამსახურებით, კარაქი ენერგიის შესანიშნავი წყაროა.

რა რაოდენობით არის რეკომენდებული კარაქის ჭამა?

როგორც ნებისმიერ საკვებში, აქაც ზომიერებას არ უნდა გადააჭარბოთ. ექიმები დღეში არაუმეტეს 30 გრამი კარაქის მიღებას გვირჩევენ - ეს რაოდენობა სიმსუქნის რისკზე ან ათეროსკლეროზის განვითარებაზე მნიშვნელოვან გავლენას ვერ მოახდენს.

შეწვისთვის უმჯობესია ერბო ან თხის რძისგან დამზადებული კარაქი გამოიყენოთ (ერბო, რომელიც მინარევებს არ შეიცავს). ამ კარაქებით ყველაზე მცირე შანსი გაქვთ, რომ კანცეროგენები მიიღოთ.

***

„მავნე“ პროდუქტები, რომლებიც, თურმე, სასარგებლოა

5 ჩვევა, რომელიც მოწევაზე მავნეა

„უქოლესტერინო“, „გლუტენის გარეშე“, „ცხიმი 0%“ - რა იმალება ამ წარწერების უკან?