აღმოჩენილია ქოლესტერინის დამწევი სანელებელი

კურკუმა ბალახოვანი მცენარე და ინდური სამზარეულოს მთავარი სანელებელია, რომელიც ქოლესტერინს ებრძვის.

კურკუმას სასარგებლო თვისებები ფართოდ არის ცნობილი: აწესრიგებს ნივთიერებათა ცვლას, აუმჯობესებს სისხლის მიმოქცევას და ათხელებს სისხლს.

ინდოელები კურკუმას ყოველდღიურად, თითქმის ყველა კერძში იყენებენ. შესაძლოა, სწორედ ეს არის მიზეზი, რომ ამ ქვეყანაში ფილტვის, მსხვილი ნაწლავის, პროსტატიტის და სარძევე ჯირკვლის სიმსივნეების ყველაზე დაბალი მაჩვენებელია.

****

ახლახან შვეიცარიელმა და ინდონეზიელმა მეცნიერებმა კურკუმას ახალი თვისებები აღმოაჩინეს: ცნობილი სანელებელი შეუცვლელია ქოლესტერინის წინააღმდეგ ბრძოლაში.

ლაბორატორიული ტესტების შედეგად, Ewha Womans University-ის (სეული, სამხრეთ კორეა) მეცნიერებმა დაასკვნეს, რომ პიგმენტი, რომელიც კურკუმას ცოცხალ ფერს აძლევს, შეიძლება მაღალი ქოლესტერინის მქონე პაციენტების სამკურნალოდ გამოიყენონ.

აღმოჩნდა, რომ ლიპოპროტეინების და ტრიგლიცერიდების მაღალი კონცენტრაცია, რის გამოც სისხლძარღვებში საშიში ქოლესტერინის ფოლაქები ჩნდება, კურკუმინის ზემოქმედების შედეგად 55%-ით და 28%-ით მცირდება. ამის შედეგად მთლიანი ქოლესტერინის პროცენტული მაჩვენებელი 33%-ით კლებულობს.

მსგავსი კვლევები ჩაატარეს ინდონეზიელმა მკვლევრებმაც და დაასკვნეს, რომ სანელებლის მცირე დოზებიც კი სისხლძარღვებს ცუდი ქოლესტერინისგან გაწმენდაში ეხმარება.

****

ექსპერიმენტების შთამბეჭდავი შედეგების მიუხედავად, კურკუმას მოქმედება ქოლესტეროლზე ჯერ კიდევ შესწავლის ეტაპზეა, ამიტომ მისი მენიუში ჩართვა ექიმთან უნდა შეათანხმოთ.

ესეც დაგაინტერესებთ:

კურკუმა გასახდომად

ფალაფელის ბურთულები - მარტივი რეცეპტი კურკუმით

სანელებელი ჯანმრთელობისთვის - რომელი როდის გამოვიყენოთ?!