ყავა მკერდის ზომას ამცირებს? - შვედი მეცნიერების მოსაზრება

1996 -იდან 2006 წლამდე პერიოდში შვედეთში, ლუნდის უნივერსიტეტის მკვლევრებმა ექსპერიმენტი ჩაატარეს და მივიდნენ იმ მოსაზრებამდე, რომ ყავის დალევა ქალის მკერდის ზომას ამცირებს.

ექსპერიმენტში მონაწილე 300 მოხალისე ყოველდღიურად სამ ან მეტ ფინჯან ყავას მიირთმევდა. ექსპერიმენტის დაწყების წინ ქალბატონებს მკერდის ზომა აუღეს და სთხოვეს, ძველებურად ცხოვრება გაეგრძელებინათ.

ექსპერიმენტის დასრულების შემდეგ გაირკვა, რომ დღეში სამი ფინჯანი ყავის დალევა რამდენიმე წელიწადში მკერდის 17%-ით შემცირებას იწვევს.

ლუნდის უნივერსიტეტის ექსპერიმენტული ონკოლოგიის პედაგოგის, ჰელენ იერნსტრემის (Helena Jernström) თქმით, მისი ხელმძღვანელობით ერთ-ერთი ყველაზე მოულოდნელი აღმოჩენა გაკეთდა, რომელიც მკერდის ზომას ონკოლოგიის განვითარების რისკთან აკავშირებს.

კვლევის ფარგლებში, მეცნიერებმა განაცხადეს, რომ რაც უფრო პატარაა მკერდი, მით უფრო ნაკლებია მასში კიბოს განვითარების რისკი. თუ გავითვალისწინებთ, რომ ყავა მკერდის ზომას ამცირებს, შეგვიძლია დავასკვნათ, რომ ქალებში, რომლებიც ზომიერად ან დიდი რაოდენობით ყავას მიირთმევენ, მკერდის კიბოს რისკი მნიშვნელოვნად მცირდება.

ასეა თუ ისე, ექიმები გვაფრთხილებენ, რომ ყავა ზომიერად უნდა მივირთვათ და არა უმეტეს სამი ჭიქა დღეში!

***

თუ ყავა ძალიან გიყვართ, სცადეთ ნალექიანი ყავის მომზადება - 4 „ოქროს წესით“

და ასევე გაარკვიეთ, რა არის ნალექიანი ყავის სარგებელი - შესაძლოა, ჯერ არ გსმენიათ, რომ...

წყარო: www.discovermagazine.com