პროდუქტები, რომლებსაც იაპონიასა და ჩინეთში არ ჭამენ, ჩვენ კი ყოველდღიურ რაციონში გვაქვს

ძროხის რძე

ევროპელებისგან განსხვავებით, აზიელები ძროხის ცხიმიანი რძის ნაცვლად მცენარეულ რძეს მოიხმარენ, მაგალითად, სოიოს, ქოქოსის, ბრინჯის, ნუშის და ა.შ.

მიზეზი მარტივია - ლაქტოზის აუტანლობა, რაც ამ ორ ერს საუკუნეების მანძილზე განუვითარდა. ამის მიზეზი კი, მეცნიერთა განმარტებით, კლიმატური პირობებია (თბილი კლიმატი ხელს უშლიდა მესაქონლეობის განვითარებას). მაგალითად, სკანდინავიელების მხოლოდ 5%-ს აწუხებს ლაქტოზას აუტანლობა, ცენტრალურ აზიაში, დაახლოებით, 80%-ს, აღმოსავლეთ აზიაში კი თითქმის 100%-ს!

პური

თითქოს, რა შეიძლება პურზე უფრო ჯანსაღი იყოს, მაგრამ ჩინელები და იაპონელები სათოფეზე არ ეკარებიან და ამის მიზეზი გლუტენია. იაპონელებმა და ჩინელებმა დიდი ხანია, რაც პური და სხვა ცომეული წიწიბურას მაკარონით (ლაფშით), ბრინჯით და სიმინდის ფქვილით ჩაანაცვლეს.

იქნებ აზიელების მოხდენილი ტანის საიდუმლო სწორედ ამაში იმალება?

ყველი

იაპონურ და ჩინურ სამზარეულოში თითქმის ვერ ნახავთ ყველს. აზიელებისთვის ყველის ალტერნატივას ცილებით მდიდარი სოიოს ყველი - ტოფუ წარმოადგენს.

ტოფუს ჯერ კიდევ ჩვ. წ.-მდე II ათასწლეულში ამზადებდნენ ჩინეთის იმპერიაში, საიდანაც მთელ აზიაში გავრცელდა და ერთ-ერთ მთავარ პროდუქტად იქცა.

***

21-ე საუკუნე და ახალი თაობა ნელ-ნელა ეჩვევა რძის პროდუქტებს - დაახლოებით, ბოლო 20 წელია დიეტოლოგები ურჩევენ იაპონელ და ჩინელ მოსახლეობას, დღეში 200-300 გრამი რძის პროდუქტის მიღებას და რძე და ყველიც გაჩნდა სუპერმარკეტების დახლებზე, თუმცა, შეძლებს თუ არა ეს მარკეტინგული გათვლები (მილიარდიანი ბაზრის ათვისება) აზიელთა გასტრონომიული ჩვევების შეცვლას, ჯერ ძნელი სათქმელია.

ესეც საინტერესოა:

7 პროდუქტი, რომელსაც არასწორ დროს ვჭამთ!

გულის მკვებავი პროდუქტები

ღვიძლისთვის სასარგებლო პროდუქტები

წყარო: www.thrillist.com