რატომ სვამენ ტიბეტელი ლამები დილაობით ცხელ წყალს?

ყველაზე ცუდი, რაც შეიძლება ადამიანმა თავის ორგანიზმს მოსწიოს, უზმოზე ცივი, ყინულიანი წყლისა და წვენების მიღებაა, - ამბობენ ტიბეტელი ლამები.

ამას იმით ხსნიან, რომ ცივი წყლის დალევის შემდეგ ორგანიზმი, გაღვიძების ნაცვლად, შოკს იღებს. ამ დროს ირთვება სიგნალი, რომელიც წყლის ორგანიზმის ტემპერატურამდე გათბობისკენ არის მიმართული. პარალელურად, ნაღვლის ბუშტისა და საჭმლის მომნელებელ სისტემაში სისხლძარღვების სპაზმი იწყება. კუჭის კედლების დაცვისთვის ორგანიზმი მეტ ლორწოს გამოიმუშავებს, შესაბამისად, საჭმლის მონელების პროცესი ნელდება.
სასარგებლო ნივთიერებების ათვისების ნაცვლად, ორგანიზმის ენერგია წყლის ტემპერატურის დარეგულირებას ხმარდება. ეს კი კალორიების დაწვის საუკეთესო საშუალება არ გახლავთ, პირიქით...

ტიბეტელი ლამების მტკიცებით, ცივი წლისგან განსხვავებით, ცხელი წყლის მიღება ანადგურებს ორგანიზმში ღამის განმავლობაში დაგროვილ მიკრობებს, ებრძვის მაღალ წნევას, ანემიას, სიმსუქნეს, ართრიტს და სიცოცხლეს 10 წლით ახანგრძლივებს.

ჩინეთში ბავშვებს პატარაობიდან ასწავლიან ჭამის წინ ცხელი წყლის დალევას. კაფესა და რესტორნებშიც კი, სანამ კლიენტს შეკვეთას მიუტანენ, ფინჯნით ცხელი წყალი მიაქვთ. ამასთანავე, წყლის ტემპერატურა 40-45 გრადუსს არ უნდა აღემატებოდეს.

P.S. რომ გაარკვიოთ, უზმოზე რომელი უმჯობესია - ცივი თუ თბილი წყალი, ალბათ პირადად უნდა გამოსცადოთ. თუმცა, უნდა ითქვას, რომ უზმოზე ცივი წყალი ბევრს მოსწონს, ჯანმრთელობად მიაჩნიათ და ამაზე თავისი არგუმენტებიც აქვთ. ერთი რამ კი ფაქტია: წყლის სარგებლობა უდავოა და ორგანიზმმა დღის განმავლობაში საკმარისი სითხე უნდა მიიღოს!