სიმინდის კალორიულობა მომზადების წესის მიხედვით

სიმინდის კალორიულობა

სიმინდი ერთ-ერთი ყველაზე კალორიული მარცვლეული კულტურაა. ნედლი სიმინდი, დაახლოებით: 12% პროტეინს, 6% ცხიმს და 65-70% ნახშირწყლებს შეიცავს.

მაღალი კალორიულობის, სახამებლის მაღალი შემცველობისა და შაქრის გამო დიეტოლოგების უმეტესობა კვების მენიუდან სიმინდს თითქმის მთლიანად გამორიცხავს, თუმცა არიან ისეთებიც, ვინც ფიქრობენ, რომ სიმინდს წონის დაკლებაში დახმარება შეუძლია.

100 გრ. სიმინდი შეიცავს:

• ნედლი - 86 კკალ
• ბატიბუტი ზეთის გარეშე - 325 კკალ
• გრილზე შემწვარი - 441 კკალ
• მოხარშული - 123 კკალ
• მიკროტალღურ ღუმელში ან ორთქლზე მოხარშული - 131 კკალ
• დაკონსერვებული - 119 კკალ.

როგორც ხედავთ, სიმინდის, როგორც ბევრი სხვა პროდუქტის კალორიულობა მხოლოდ მის შემცველობაზე კი არა, მომზადების წესზეც არის დამოკიდებული.

მოხარშული სიმინდი

მიუხედავად იმისა, რომ სიმინდი კალორიული პროდუქტია, მეცნიერებმა დაადგინეს, რომ მას წონის კლებაში დახმარება შეუძლია - ამისთვის ის მოხარშული სახით უნდა მიირთვათ.

სიმინდის სასარგებლო თვისებები

რაც შეეხება სიმინდის სასარგებლო თვისებებს, ეს პროდუქტი:

✔️ აუმჯობესებს კანისა და თმის მდგომარეობას

✔️ გვეხმარება მშვიდად დაძინებაში

✔️ დადებითად მოქმედებს ნივთიერებათა ცვლაზე

✔️ სახამებლის მაღალი შემცველობის მიუხედავად, არ აზიანებს ფიგურას.

✔️ უამრავ ბოჭკოს შეიცავს, რომელიც სხეულს წმენდს ტოქსინებისგან.

✔️ მოხარშული სიმინდი ორი ძლიერი ანტიოქსიდანტის, ლუტეინისა და ზეაქსანტინის წყაროა, რომლებიც სხეულის უჯრედებს მუტაციისგან იცავენ.

სიმინდის უკუჩვენებები

სასარგებლო თვისების მიუხედავად, ზოგი ადამიანი სიმინდის მირთმევას უნდა მოერიდოს.

უკუჩვენებებად მიიჩნევა

• ალერგიულობა
• ჭარბი წონა (120 კგ-ზე მეტი)
• პანკრეატიტი,
• წყლულის გამწვავება,
• დიაბეტი,
• უმადობა.

სიმინდის დღიური ნორმა

ზრდასრულებისთვის რეკომენდებულია დღეში 150 გრ. (ორი საშუალო ტარო) ორთქლზე ან გრილზე მოხარშული ან დაკონსერვებული სიმინდის მიღება, ხოლო ბავშვებისთვის არა უმეტეს 50-75 გ (ერთი ტარო).

ასევე საინტერესოა

რამდენი ხანი სჭირდება სიმინდის მოხარშვას?

დიეტური პროდუქტები - რით ვისუსნაოთ სამსახურში

ბოსტნეულის წვნიანი დიეტური

ჩქარი და ნელი ნახშირწყლები - რომელი შეიძლება დიეტის დროს?

ცილოვანი საკვების სია - ის, რაც დიეტისას აუცილებელია