ტიბეტური გოჯი ბერი - ვისთვის არის ის სასარგებლო?

გოჯი 1-4 მ-მდე სიმაღლის პატარა ხე ან ფოთლოვანი ბუჩქია, რომელიც ბუნებრივ პირობებში ტიბეტში, ჩინეთსა და ჰიმალაის მთებში გვხვდება. მას 8-15 მმ-ის, წითელი ფერის ნაყოფი აქვს. გოჯის ნაყოფთან შეხება ჟანგვის რეაქციას და კანის გამუქებას იწვევს, ამიტომ ხელით კრეფის ნაცვლად, ხეს არხევენ, რათა კენკრა ძირს დაცვივდეს. ამის შემდეგ გოჯის ნაყოფს ჩრდილში აშრობენ და ინახავენ. გამშრალი გოჯი ქიშმიშს წააგავს.

გოჯი ბერი კულინარიაში

კულინარიაში გოჯის კენკრა ნედლი ან გამშრალი სახით გამოიყენება:

• ბრინჯის კერძებსა და მშრალ საუზმეში,
• დესერტებსა და კოქტეილებში,
• სალათებსა და ნამცხვრებში,
• წვნიანებსა და ბოსტნეულის კერძებში.

გოჯის კენკრის სასარგებლო თვისებები მის შემადგენლობაშია. ის ვიტამინებისა და მინერალების შესანიშნავი წყარო.

გამხმარი გოჯი ბერი შეიცავს:

• ფენოლებს - გააჩნიათ ანტიოქსიდანტური თვისებები;
• 7 ვიტამინს (A, C, B1, B2, B6, B9, E), რომლებიც იცავს იმუნურ სისტემას;
• 11 მინერალს - თუთია, რკინა, გერმანიუმი (რომელიც ნიადაგის გამოფიტვის გამო თითქმის არ მოიპოვება
• საკვებში), სპილენძი, კალციუმი, კალიუმი, კობალტი, იოდი, სელენი, მაგნიუმი, ფოსფორი;
• 18 ამინმჟავას - მათ შორის, ოთხს ადამიანის სხეული არ გამოიმუშავებს;
• 8 პოლისაქარიდს - (აქედან 4 არცერთ სხვა პროდუქტში არ შედის: LBP-1, LBP-2, LBP-3, LBP-4);
• 6 მონოსაქარიდს, რომელიც სხეულის ყველა სისტემას ენერგიით უზრუნველყოფს.
• 5 უჯერ ცხიმოვან მჟავას (მათ შორის არის ომეგა-3 და ომეგა-6).
  

გოჯის ბერის სამკურნალო თვისებები

გოჯის კენკრის სამკურნალო თვისებები უძველესი დროიდან იყო ცნობილი.

✔️ ჩინელი ექიმები მას იმუნიტეტის გამაძლიერებელ, გამაახალგაზრდავებელ და სიცოცხლის გამახანგრძლივებელ საშუალებად იყენებდნენ.

✔️ ანტიოქსიდანტური თვისებების წყალობით გოჯის კენკრა ეფექტურია კიბოს წინააღმდეგ ბრძოლაში,

✔️ კენკრაში შემავალი დიეტური ბოჭკო აუმჯობესებს კუჭ-ნაწლავისა და საჭმლის მომნელებელი სისტემის მუშაობას,

✔️ აწესრიგებს სისხლში ინსულინისა და გლუკოზის დონეს,

✔️ გოჯის კენკრას ტრადიციულ ჩინურ მედიცინაში იყენებენ ღვიძლის დაავადებების სამკურნალოდ, რითაც ამცირებენ ცეროზისა და ჰეპატიტის განვითარების რისკს.

✔️გოჯი გამოიყენება სექსუალური პოტენციის ასამაღლებლად როგორც ქალებისთვის, ისე მამაკაცებისთვისაც.

✔️ უზრუნველყოფს ცილის დღიური ნორმის თითქმის 10%-ს.

✔️ სხეულიდან ჭარბ სითხეს გამოდევნის და ნერვულ სისტემას აწესრიგებს.

✔️ გოჯში შემავალი გერმანიუმი ხელს უშლის სიმსივნური უჯრედების წარმოქმნას. ამიტომ, გოჯი მიიღება როგორც სიმსივნის საწინააღმდეგო პროდუქტი.

✔️ ვიტამინი Е, რომელიც ხილში ჭარბი რაოდენობითაა, ორგანიზმს გაახალგაზრდავებაში უწყობს ხელს.

✔️ გოჯი ბერი დიდი რაოდენობით რკინას შეიცავს, რომელიც ხელს უწყობს ჰემოგლობინის მომატებას.

გოჯი ბერის მიღების წესი

დიეტოლოგები გვირჩევენ, გოჯის მარცვლები ღამით დავალბოთ, დილით კი მიღებული სითხე დავლიოთ, რომელშიც შენარჩუნელბულია ძვირფასი ვიტამინები და მიკროელემენტები. დარბილებული კენკრაც შეგიძლიათ მიირთვათ. რეკომენდებული დოზა დღეში 15-20 გრამამდეა.

დღეში ერთი სუფრის კოვზის გოჯის კენკრის მიღება უზრუნველყოფს ორგანიზმის მომარაგებას ყველა საჭირო ელემენტით, აძლიერებს იმუნიტეტს და იცავს ვირუსებისა და ინფექციებისგან.

გოჯი ბერის ჩაი

ყველაზე პოპულარული კი გოჯი ბერის ჩაი გახლავთ. რამდენიმე ცალი კენკრა მოხარშეთ 0,5 ლ წყალში. რეკომენდებულია დალევა უშაქროდ, ლიმონის ან თაფლის დამატებით.

გოჯი ბერი გასახდომად

წონის დასაკლებად ერთი სუფრის კოვზი კენკრა (თავმოდგმული) უნდა მოხარშოთ 0,5 ლიტრ ცხელ წყალში, ნახევარი საათის განმავლობაში. ეს სითხე კენკრასთან ერთად უნდა მიირთვათ დღეში 2-ჯერ - დილით და საღამოს. პარალელურად უნდა დაიცვათ რეკომენდებული დიეტა. თუ გოჯი ბერი გასახდომად გსურთ, დღიური ნორმა ზრდასრული ადამიანისთვის არის 36-50 კენკრა.

გოჯი ბერის უკუჩვენებები

გოჯის დიდი რაოდენობით მიღებას უნდა მოერდონ: ორსული ქალები, მეძუძური დედები და 3 წლამდე ბავშვები (მუცლის შესაძლო შებერილობის გამო). ასევე მაღალი წნევისა და სისხლდენისკენ მიდრეკილი ადამიანები.

ასევე დაგაინტერესებთ:

ჩინური მასაჟი - 5 წერტილი გასახდომად

როგორ მოვამზადოთ კარკადეს ჩაი

ასკილის სასარგებლო თვისებები

ყველაფერი მოცვის შესახებ