ვაშლის გემო აქვს და ფინიკში ერევათ - უნაბი და მისი სასარგებლო თვისებები

უნაბის ტკბილი, გადამწიფებული ვაშლის მსგავსი გემო აქვს, რომელსაც ქლიავის და კუნელის ნოტები დაჰკრავს. თუმცა გემო მაინც ხილის ჯიშზეა დამოკიდებული - ზოგი პატარა და მშრალია, ზოგი კი დიდი, წვნიანი და ტკბილი.

იჭმევა როგორც უმი, ასევე გამომშრალი (ძალიან სასარგებლოა ხეზევე გამომშრალი ნაყოფი) და დაკონსერვებული სახით.

უნაბის ჩირი ვიზუალურად ფინიკს ემსგავსება, ამიტომ ბევრი გამყიდველი როგორც ფინიკს, ისე ყიდის, მაგრამ სინამდვილეში ფინიკის ჩირი უფრო რბილი, წელვადი და გემრიელია.

უნაბი ბევრ ვიტამინს შეიცავს, თუმცა ფინიკის სასარგებლო თვისებებს ვერ შეედრება.

უნაბის ნაყოფის შემადგენლობაშია:

40 %-მდე ნახშირწყლები, 5 %-ზე მეტი პროტეინი, 1,5 %-ზე მეტი ქარვის და ვაშლის მჟავები, 2,5 %-ამდე პექტინოვანი ნივთიერები, 2 %-ზე მეტი ფისები და 1,2 % მთრიმლავი ნივთიერებები. ასევე მდიდარია C ვიტამინით.

უნაბის სასარგებლო თვისებები

1. აჩქარებს წონაში კლების პროცესს
2. ებრძვის კუჭ-ნაწლავის დაავადებებს
3. აძლიერებს იმუნიტეტს
4. აწყნარებს ნერვულ სისტემას
5. ხელს უშლის თრომბის წარმოქმნას
6. ხსნის თავბრუდახვევას
7. სასარგებლოა უძილობის დროს
8. რეკომენდებულია სკლეროზული პროცესების პრევენციისთვის
9. სასარგებლოა კბილებისა და ძვლებისთვის
10. აქვს ანტიოქსიდანტური თვისებები.
11. გამოიყენება, როგორც ამოსახველებელი, საფაღარათო და შარდმდენი საშუალება

    
    

უნაბის თანამედროვე მედიცინა რეკომენდაციას უწევს ჰიპერტონიული დაავადების სამკურნალოდ:

ამ მიზნით უნაბის 20 ცალი ნაყოფი დღეში სამჯერ უნდა მიირთვათ, ჭამის შემდეგ, 3 თვის განმავლობაში. შეგიძლიათ, ჭამოთ როგორც ნედლი უნაბი, ასევე უნაბის ჩირი.

ესეც საინტერესოა:

ლეღვის ჩირის სასარგებლო თვისებები

გარგრის ჩირის მომზადება სახლის პირობებში