„ანჟელიკას წყევლა“ – რატომ ნანობს მიშელ მერსიე თავისი საუკეთესო როლის თამაშს

ფრანგი მსახიობი 83 წლისაა, მაგრამ ეკრანული გმირისგან განსხვავებით, ვერც ნამდვილი ბედნიერება იპოვა და ვერც ღირსეული სიბერე მოიპოვა. ოდესღაც ყველა მამაკაცის ოცნება დღეს სიღარიბეში ცხოვრობს.

ანჟელიკას როლი - ტრიუმფი თუ წყევლა

მიშელ მერსიე 24 წლის იყო, როდესაც ანჟელიკას როლზე დაამტკიცეს, მაგრამ დღეს საკუთარ გადაწყვეტილებას ნანობს - მისთვის „ანგელოზების მარკიზას“ როლი ნამდვილ წყევლად იქცა.

მერსიე, ფაქტობრივად, ერთი როლის მსახიობი გახდა. ანჟელიკას როლმა მიშელს მსოფლიო პოპულარობა და თაყვანისმცემლების არმია აჩუქა, თუმცა მის მომავალ სამსახიობო კარიერას წერტილი დაუსვა - ოქროსთმიანი ლამაზმანის იერის მიღმა მსახიობის ნიჭს ვერავინ ამჩნევდა.

უდავოა, რომ ანჟელიკას როლმა მიშელ მერსიეს უზარმაზარი პოპულარობა მოუტანა, მაგრამ ეს პოპულარობა ფინანსურ მდგომარეობაზე არ ასახულა.

როგორც მსახიობი ამბობს, მასთან კონტრაქტი ისე ეშმაკურად დაიდო, რომ ფილმის გამოსვლის შემდეგ პროდიუსერებმა ზღაპრული ფული მიიღეს, მთავარი როლის შემსრულებელს მხოლოდ გადაღებების დღიური ჰონორარი გადაუხადეს.

90-იანი წლების ბოლოს მსახიობმა მთელი დანაზოგი ფინანსურ პირამიდაში დაკარგა და ღარიბ ქალად იქცა.

ერთ-ერთ გამოცემასთან მსახიობმა მიზერული პენსიის შესახებ დაიჩივლა: „რას აკეთებენ კულტურის მინისტრები იმისთვის, რომ მოხუც მსახიობებს საარსებო წყარო ჰქონდეთ? - არაფერს. კარგია, რომ მედალი მომცეს, მაგრამ უკეთესი იქნებოდა, შოკოლადის იყოს, შევჭამდი მაინც“,

კიბო

დიდების ფასი ძალიან ძვირი აღმოჩნდა - მიშელ მერსიემ გადაღებებს ჯანმრთელობაც შესწირა.

ერთ-ერთი სცენის გადაღებისას მიშელს მკერდზე მძიმე ჯაჭვი მოხვდა. თავიდან თითქოს სერიოზული პრობლემა არ ჩანდა, მაგრამ მოგვიანებით მკერდზე სიმსივნე ჩამოყალიბდა. მსახიობისთვის სიმსივნის მოცილებას მთელი ორი წელი დასჭირდა, თუმცა ეს მხოლოდ დასაწყისი იყო...

2016 წელს მიშელს კანის კიბოს დიაგნოზი დაუსვეს. „კიბო მაქვს. ეს ყოველთვის წარმოუდგენლად ჩანს, სანამ თავად არ დაგემართება. ასეთი დიაგნოზის გაგებისას ბევრი ტირის. მე კი ცუდ სიახლეს იმ სიმშვიდით შევხვდი, რომელიც ყოველთვის მახასიათებდა.“

მარტოობა

მერსიე ოთხჯერ იყო დაქორწინებული, თუმცა პირად ცხოვრებაში ბედნიერება ვერ იპოვა.

პირველი ქმარი რეჟისორის ასისტენტი ანდრე სმაგე იყო, რომელიც რელიგიამ იმდენად გაიტაცა, რომ ცოლი აღარ აინტერესებდა.

მეორე ქმარი, ავტომრბოლელი კლოდ ბურილო გმოუსწორებელი მექალთანე იყო და ულამაზეს ცოლს გამუდმებით ღალატობდა. თანაც, საყვარლებს ცოლის ფულს ახარჯებვდა, სანამ მსახიობი სრულად არ გააკოტრა.

მესამე ქმარი, ამერიკელი ბიზნესმენი ადრიან ჯანკო სიმსივნით გარდაიცვალა.

მიშელ მერსიეს მეოთხე რჩეული პრინცი იყო იტალიიდან, მაგრამ ანგელოზების მარკიზას არც ამჯერად გაუმართლა - პრინცმა მზეთუნახავი საცოლე ქორწილის წინა დღეს მიატოვა.

როგორ ცხოვრობს დღეს მიშელ მერსიე?

83 წლის მიშელ მერსიე სამხრეთ საფრანგეთში, სრულიად მარტო ცხოვრობს. ის საზოგადოებაში იშვიათად ჩნდება და ურთიერთობა მხოლოდ რამდენიმე ადამიანთან აქვს. ოდესღაც ულამაზეს ანჟელიკას დღეს ფინანსურად ძმისშვილები და ძველი მეგობრები ეხმარებიან.

ესეც საინტერესოა:

რატომ არ უყვარდათ სამშობლოში ბარბარა ბრილსკა? - პოლონელი მსახიობის ბედის ირონია

რატომ თქვა მსახიობობაზე უარი და როგორ ცხოვრობს ახლა ბიჭი „სათამაშოდან“?

დიდებული მსახიობი ქალები, რომლებსაც „ოსკარი“ არ მიუღიათ