5 ფილმი, რომელიც მარტოობაზე აზრს შეგიცვლით

კინო

30 მარტი 18:00, 2018 წელი

მარტოობა ხომ მხოლოდ ფიზიკურად მარტო ყოფნას არ ნიშნავს. შეიძლება უამრავი ადამიანი გეხვიოს თავს და მაინც მარტოსული იყო. მაგრამ ამაზე თითქმის არასოდეს საუბრობენ... კინემატოგრაფი ამ საკითხის ძალიან ფართო პანორამას გვთავაზობს და ამ პრობლემას სხვადასხვა კუთხით გვანახვებს.

1. „ჯულიეტა“/ JULIETA, ესპანეთი, 2016
დრამა
რეჟისორი: პედრო ალმოდოვარი
როლებში: ადრიანა უგარტე, როსი დე პალმა, ინმა კუესტა, მიშელ ჯენერი, დარიო გრანდინეტი, ემა სუარესი 


 


ლეგენდარული პედრო ალმოდოვარის მორიგი შედევრი, რომელსაც კინოკრიტიკოსებმა მაღალი შეფასება მისცეს და 2016 წელს კანის საერთაშორისო კინოფესტივალის მთავარ პრიზზეც იყო ნომინირებული. ფილმში მარტოობის თემა თითქოს თვალშისაცემი არ არის, მაგრამ ის მაინც ძირითად ფონად გასდევს მას.


ჯულიეტა აღმოაჩენს, რომ მისი ქალიშვილი გაქრა. შვილის ძებნაში ის მშობლიურ ქალაქში მადრიდში ჩავა. იქ ეს მარტოხელა ქალი იხსენებს ახალგაზრდობას, სიყვარულს და იმ საშინელ ტრაგედიას, რომელმაც სულიერად დააშორა ქალიშვილს. ალმოდოვარი ჩვეული ოსტატობით აჩვენებს, როგორ შეუძლია ერთ უბრალო შემთხვევას დედას დააკარგვინოს შვილი და ადამიანი სამუდამო მარტოობისთვის გაწიროს.


 


2. „ლობსტერი“ / The Lobster, საფრანგეთი, გაერთიანებული სამეფო, 2015
ფანტასტიკა, დრამა
რეჟისორი: გიორგოს ლატიმოსი
როლებში: კოლინ ფარელი, რეიჩელ უაისი, ლეა სეიდუ 


 


ძალიან ღრმა ფილმი, უამრავი პრემიითა და კრიტიკოსების კეთილგანწყობით განებივრებული. „ოსკარის“ ნომინანტი. ფილმს მარტოობის თემა ლაიტმოტივად გასდევს და დაგაფიქრებთ მარტოხელა ადამიანების ბუნებაზე, რომლებიც იმდენად მოწყვეტილნი არიან სოციუმსა და სასიყვარულო ურთიერთობებს, რომ ცხოველად გადაქცევის რისკზეც კი მიდიან, ოღონდაც არ შეიცვალონ.


ფილმის სიუჟეტი მომავალში ვითარდება. მარტოხელა ადამიანებს იძულებით აგზავნიან საშინელ სასტუმროში, სადაც ისინი ვალდებულნი არიან, 45 დღის განმავლობაში იპოვონ წყვილი თავისნაირ მარტოხელებს შორის. და თუ ამას ვერ მოახერხებენ, მათ ცხოველად გადააქცევენ და ტყეში გაუშვებენ.


დაბოლოს, კოლინ ფარელის ფანატებს წინ დიდი სიამოვნება გელით. ის მართლაც შეუდარებელია!!!


 


3. „მარსელი“ / The Martian, აშშ, 2015
ფანტასტიკა, სათავგადასავლო, მძაფრსიუჟეტიანი
რეჟისორი: რიდლი სკოტი
ჯესიკა ჩესტეინი, კეიტ მარა, სებასტიან სტენი, მეთ დეიმონი, კრისტენ უიგი, შონ ბინი 


 


რიდლი სკოტისა და მეთ დეიმონის შესანიშნავი ტანდემი და შედეგად „ოსკარის“ 7 ნომინაცია. რა შეიძლება იყოს იმაზე საშინელი, როცა უცხო პლანეტაზე სრულიად მარტო რჩები და მალე იმედსაც დაკარგავ, რომ ოდესმე კიდევ ნახავ ადამიანს! ამ ტყვეობიდან თავის დახსნის სურვილი კი მარტო კოსმონავტს კი არა, ალბათ, ჩვეულებრივ ადამიანსაც კი აღმოაჩენინებს საკუთარ თავში უამრავ უნარს.


მარსზე მისიის დროს მომხდარი შტორმის შემდეგ მეთ დეიმონის გმირი ეკიპაჟს ჩამორჩება. ყველას ჰგონია, რომ ის დაიღუპა, მაგრამ მარკი გადარჩება და გონზე მოსული, აღმოაჩენს, რომ დედამიწასთან კავშირი დაკარგულია. მისი მიზანია 4 წელი გაძლოს ამ უცხო პლანეტაზე და ცოცხალი დახვდეს დედამიწიდან ჩასულ ახალ მისიას.


 


4. „მოსამართლე“ / The Judge, აშშ, 2014
დრამა
რეჟისორი: დევიდ დობკინი
როლებში: რობერტ დაუნი უმცროსი,  რობერტ დიუვალი, ვერა ფარმიგა, ბილი ბობ ტორნტონი, ვინსენტ დ’ონოფრიო, ჯერემი სტრონგი
 



რობერტ დაუნი უმცროსი აქამდე მხოლოდ სუპერგმირის როლში თუ წარმოგვედგინა, მაგრამ მას შეუძლია მაყურებელს დრამატული როლიც შესთავაზოს, სავსე გრძნობებითა და სასოწარკვეთილებით. რობერტ დიუვალი კი ოსკარზეც იყო წარდგენილი მამაკაცის როლის საუკეთესო შესრულებისთვის. ეს არ არის გასართობი ფილმი და შეიძლება მძიმე საყურებელიც იყოს.


წარმატებული ადვოკატი მშობლიურ ქალაქში დედის დაკრძალვაზე ჩადის და იგებს, რომ მამამისს, რომელიც ქალაქის მოსამართლეა, მკვლელობას აბრალებენ. ის გადაწყვეტს, დარჩეს და სიმართლე გაარკვიოს. მაგრამ, ამასთანავე, ის შეიცნობს საკუთარ თავს და მკაფიოდ დაინახავს, რა შორსაა უახლოესი ნათესავებისგან და რა მარტოხელაა თავად...


5. „ის“ / Her, აშშ, 2013
დრამა, ფანტასტიკა
რეჟისორი: სპაიკ ჯონსი
როლებში: ჰოაკინ ფენიქსი, ლინ ა. ფრიდმანი, სკარლეტ იოჰანსონი, ოლივია უაილდი, ემი ადამსი


 


ამ ფილმს სამართლიანად შეგვიძლია ვუწოდოთ წარმოუდგენლად ძლიერი და ღრმა. აბა, ტყუილად ხომ არ აიღო ოსკარი და კიდევ არაერთი პრესტიჟული კინოფესტივალის ჯილდო. გირჩევთ, ფილმს ორჯერ უყუროთ. ერთხელ ორიგინალში, სუბტიტრებით, რათა სკარლეტ იოჰანსონს მოუსმინოთ, რომელმა ც დაამტკიცა, რომ გენიალურ მსახიობს შეუძლია, მხოლოდ ხმითაც კი შეასრულოს როლი. ფილმი მარტოობის თემითაა გაჯერებული. მთავარი გმირი აბსოლუტურად მარტოა, ის აცნობიერებს თავის მდგომარეობას, ეძებს საკუთარ თავს და კიდევ უფრო იხლართება თავის უინტერესო ცხოვრებაში.   


თეოდორი მწერალია, ის ყიდულობს ახალ ტექნიკურ გამოგონებას, ოპერაციულ სისტემას, რომელიც მფლობელის ნებისმიერ სურვილს ასრულებს. მოწყობილობა აღჭურვილია ხელოვნური ინტელექტით - ის სასიამოვნო მოსაუბრეა, თავისი განცდებითა და ინტერესებით. რაღაც დროის მერე, თეოდორი ხვდება, რომ შეყვარებულია. სამანტას საოცრად კარგად ესმის მისი და ალამაზებს მის მარტოობას. ის ეხმარება მამაკაცს, იპოვოს საკუთარი თავი, მაგრამ გასაგებია, რომ სამანტას აზრები და გრძნობები რაღაც სხვაა, არარეალური.

წყარო
საკნატუნო ამბები

ვენეციის ქუჩებში ცოცხალი ვეშაპი გამოჩნდა!

ერთ დილასაც ვენეციელებმა გაიღვიძეს და თავიანთ ქალაქში ატლანტიკელი სტუმარი იხილეს!
დღის ჰოროსკოპი

21 ნოემბრის ასტროლოგიური პროგნოზი

რას გვირჩევენ ვარსკვლავები 21 ნოემბერისთვის ჯანმრთელობის, ბიზნესის და სიყვარულის მიმართულებით?
კინო

ენ ჰეთეუეის 15 შესანიშნავი როლი

ეს ის ფილმებია, რომელთა გამოც ასე გვიყვარს ეს მსახიობი.
ამბები

თბილისის სხვადასხვა უბანში უპატრონო ძაღლებისთვის სახლები დაიდგა

შპს „ჩემი სახლი“-ს ინიციატივით, თბილისის სხვადასხვა უბანში ქუჩის ძაღლებისთვის სახლები დაიდგა.
დღის ჰოროსკოპი

20 ნოემბრის ასტროლოგიური პროგნოზი

რას გვირჩევენ ვარსკვლავები 20 ნოემბრისთვის ჯანმრთელობის, ბიზნესისა და სიყვარულის მიმართულებით?
იცით თუ არა...

ძაღლის 12 ჯიში, რომელიც თითქმის არ ყეფს!

მათთვის, ვისაც სურს, სახლში ძაღლი ჰყავდეს, თუმცა მისი ყეფით მეზობლების შეწუხებას ერიდება...
საკნატუნო ამბები

შიშველი იოგა - წარმოუდგენლად ლამაზი სანახაობა

თითოეულ ასანაში ულამაზესი ტალღისებრი მიმოხვრა და მშვიდი კონცენტრირება ამ ფოტოებს ხელოვნების ნიმუშებად აქცევს. 
დღის ჰოროსკოპი

19 ნოემბრის ასტროლოგიური პროგნოზი

რას გვირჩევენ ვარსკვლავები 19 ნოემბრისთვის ჯანმრთელობის, ბიზნესის და სიყვარულის მიმართულებით?
FUN-ტესტი

გამოთვალეთ თქვენი ფსიქოლოგიური ასაკი

რამდენ ძაღლს ხედავთ ამ შავ-თეთრ სურათზე? სწორედ ეს რაოდენობა განსაზღვრავს თქვენი გონების რეალურ ასაკს...
დღის ჰოროსკოპი

18 ნოემბრის ასტროლოგიური პროგნოზი

რას გვირჩევენ ვარსკვლავები 18 ნოემბრისთვის ჯანმრთელობის, ბიზნესის და სიყვარულის მიმართულებით?
იცით თუ არა...

ფულის ხარჯვა - ეს ჩვევა სიღარიბის ნიშანია (?!)

ამერიკელმა მეცნიერებმა შეისწავლეს 100-ზე მეტი ბავშვის და მოზარდის თავის ტვინი, რომლებიც სხვადასხვა შემოსავლების მქონე ოჯახებში იზრდებიან. 
დღის ჰოროსკოპი

17 ნოემბრის ასტროლოგიური პროგნოზი

რას გვირჩევენ ვარსკვლავები 17 ნოემბერს ჯანმრთელობის, ბიზნესის და სიყვარულის მიმართულებით?