ნაყინის მომზადება ბანანით

საჭირო პროდუქტი 4-5 ულუფისთვის:

• მწიფე ბანანი - 3 ცალი
• რძე - 125 მლ (ნახევარი ჭიქა)
• კაკაოს ფხვნილი - 1 სუფრის კოვზი
• შაქარი - 1 სუფრის კოვზი

მომზადების წესი:

1. მწიფე ბანანები მრგვალ ნაჭრებად დაჭერით, დიდ ლანგარზე დაალაგეთ და საყინულეში მინიმუმ, 2 საათი დატოვეთ.

2. ბლენდერის ჯამში ჩაასხით რძე, დაუმატეთ კაკაოს ფხვნილი, შაქარი და გაყინული ბანანის ნაჭრები.

3. ყველაფერი კარგად დააბლენდერეთ სანამ ერთგვაროვან, სქელ და ცივ მასას არ მიიღებთ (დაახლოებით 600 მლ-ზე ოდნავ მეტი გამოვა).

სულ ეს არის - ნაყინი მზადაა. ის ოდნავ თხელია და აქვს სასიამოვნო გემო.

სურვილის შემთხვევაში, შეგიძლიათ კვლავ გაყინოთ, რათა მყარი ნაყინის კონსისტენცია მიიღოს. ამისთვის ბანანიანი მასა კონტეინერში გადაიტანეთ და საყინულეში 2 საათით დატოვეთ. (არ გადააურიოთ).

გემრიელად მიირთვით!

ესეც სცადეთ:

მარტივი ნაყინის რეცეპტი

ნაღების ნაყინი - მოამზადეთ სახლში