რულეტი პრაღა „პრაღის“ ტორტის მოყვარულებისთვის

საჭირო პროდუქტი:

• კვერცხი – 5 ცალი (ცილები + გული),
• შაქარი – 120 გრამი
• მარილი – 0,5 ჩაის კოვზი
• ფქვილი – 80 გრამი
• კაკაო – 20 გრამი
• გამაფხვიერებელი – 1/3 ჩაის კოვზი
• ვანილის შაქარი – 1 ჩაის კოვზი
• მცენარეული ზეთი – 2 სუფრის კოვზი
• რძე – 2 სუფრის კოვზი

სიროფისთვის:

• შაქარი – 40 გრამი
• წყალი – 50 მლ

სურვილისამებრ შეგიძლიათ დაუმატოთ 1 ჩაის კოვზი კონიაკი ან რამდენიმე წვეთი რომის ესენცია

კრემისთვის:

• კარაქი 82,5% – 200 გრამი
• შესქელებული რძე 8% – 200 გრამი
• კაკაო – 10 გრამი
• ვანილის შაქარი – 1 ჩაის კოვზი
• კონიაკი – 1 ჩაის კოვზი ან სურვილისამებრ რამდენიმე წვეთი რომის ესენცია
• გარგარის ჯემი – 100 გრამი

მინანქრისთვის:

• შოკოლადი 70% – 100 გრამი
• კარაქი 82% – 100 გრამი

მომზადების წესი:

ღუმელი 190 °C-მდე გააცხელეთ და შოკოლადის ბისკვიტის ფენა მოამზადეთ.

კვერცხის ცილები გულებისგან გააცალკევეთ. ცილებს დააყარეთ მარილი და მიქსერით ათქვიფეთ, სანამ მყარ ქაფს არ მიიღებთ. ამის შემდეგ ნელ-ნელა შაქარი და ვანილი დაამატეთ და გააგრძელეთ თქვეფა, სანამ მკვრივ ბეზეს არ მიიღებს და შაქარი ბოლომდე არ გაიხსნება.

კვერცხის გულები სათითაოდ დაამატეთ ცილების მასას და ერთგვაროვანი მასის მიღებამდე თქვიფეთ. ამის შემდეგ ზეთი და რძე დაამატეთ და მოურიეთ.

გაცრილ ფქვილს კაკაო დაამატეთ და კვერცხიან მასას ძალიან ფრთხილად შეურიეთ.

საცხობ ფორმაზე (სასურველია 34x38) დააფინეთ საცხობი ქაღალდი, დაასხით ცომი და ფრთხილად გაასწორეთ, რომ თანაბარი ფენა გამოვიდეს.

აცხვეთ 190 °C-ზე 12–15 წუთის განმავლობაში.

ცომის გამოცხობისას პირველი 10 წუთის განმავლობაში ღუმელი არ გავაღოთ, თორემ ბისკვიტი დაეცემა.

მზა ბისკვიტი გამოიღეთ ღუმლიდან, მოაცილეთ ქაღალდი, სანამ ცხელია და გასაგრილებლად დატოვეთ.

***

სიროფი:

პატარა ქვაბში მოათავსეთ შაქარი და წყალი, აადუღეთ და გააცივეთ.

***

კრემი:

ოთახის ტემპერატურის კარაქი კარგად ათქვიფეთ. თანდათან დაამატეთ ოთახის ტემპერატურის შესქელებული რძე და ერთგვაროვნებამდე თქვიფეთ. ამის შემდეგ დაამატეთ კაკაო, აურიეთ და ისევ თქვიფეთ. სურვილისამებრ შეგიძლიათ კონიაკი ან რომის ესენცია დაამატოთ.

***

რულეტის მოხვევა:

გაციებული ბისკვიტი სუფთა ქაღალდზე დადეთ, სიროფით დანამეთ და კრემი წაუსვით.

ამის შემდეგ ბისკვიტი ქაღალდის დახმარებით რულეტად დაახვიეთ და მაცივარში 1 საათით შედგით.

რულეტი მაცივრიდან გამოიღეთ და გვერდებზე თხელ ფენად გარგარის ჯემი წაუსვით. ამის შემდეგ ისევ მაცივარში, 30 წუთით შედგით.

***

მინანქარი:

შოკოლადი და კარაქი მიკროტალღურ ღუმელში გაათბეთ, სანამ ბოლომდე არ გადნება. ამის შემდეგ კარგად აურიეთ და რულეტის ზედა მხარეს, მთელ სიგრძეზე დაასხით. რულეტი დააბრუნეთ მაცივარში 1 საათით და შემდეგ

გემრიელად მიირთვით!

ესეც სცადეთ:

რულეტი „ბაუნტი“ - უგემრიელესი დესერტი ცხობის გარეშე!

სამარხვო დესერტი — შოკოლადის მაფინები