რულეტი „ბაუნტი“ - უგემრიელესი დესერტი ცხობის გარეშე!

ცომისთვის საჭირო პროდუქტი:

• ორცხობილა „საიუბილეო“ – 300 გრ.
• კაკაო - 3 ს/კ.
• შაქარი - 1/2 ჭიქა
• მდუღარე წყალი - 1/2 ჭიქა

კრემისთვის:

• ოთახის ტემპერატურის კარაქი - 150 გრ.
• შაქრის პუდრა - 100 გრ.
• ქოქოსის ფანტელი - 40 გრ.

მომზადების წესი

1) მოზილეთ ცომი - ამისთვის ორცხობილა ბლენდერით ან ხორცსაკეპი მანქანით წვრილად დაფშვენით. დაუმატეთ კაკაო და კარგად აურიეთ.
შაქარი აურიეთ მდუღარე წყალში, გაადნეთ, გააცივეთ და ორცხობილას ნაფხვენებს დაასხით.

2) გაამზადეთ კრემი - ამისთვის კარაქი კარგად ათქვიფეთ, შეურიეთ შაქრის პუდრა და ქოქოსის ფანტელი და ერთგვაროვანი მასის მიღებამდე ურიეთ.

3) ორცხობილას ცომი პოლიეთილენის პარკზე გააბრტყელეთ, დაახლოებით, 3 მმ. სისქეზე.

4) ცომის მთელ ზედაპირზე თანაბრად წაუსვით კრემი და რულეტივით გადაახვიეთ.

5) პოლიეთილენში შეხვეული რულეტი 30-40 წუთით საყინულეში მოათავსეთ. შემდეგ გამოიღეთ და დაჭერით.

გემრიელად მიირთვით!