ორცხობილა კორჟიკი - გემო ბავშვობიდან

საჭირო პროდუქტი:

• გაცრილი ფქვილი - 420 გრ.
• შაქარი - 200 გრ.
• რძე - 100 მლ.
• კარაქი - 100 გრ.
• კვერცხი - 1 ცალი
• ვანილი,
• გამაფხვიერებელი - 1/2 ჩ.კ.

გადასასმელად - 1 კვერცხის გული და 1 ჩ.კ. რძე (ან შაქარი მოაყარეთ).

მომზადების წესი:

ფქვილი და გამაფხვიერებელი წვრილ საცერში გაცერით.

რძეს ვანილი და შაქარი დაუმატეთ, წამოადუღეთ და გააცივეთ.

კვერცხი და კარაქი ერთად ათქვიფეთ, დაასხით გაცივებული რძე და ნელ-ნელა დაუმატეთ გაცრილი ფქვილი. მოზილეთ ცომი და 60 წუთით მაცივარში შედგით.

მაცივრიდან გამოღების შემდეგ ცომი, დაახლოებით, 6-7 მმ სისქეზე გააბრტყელეთ. სპეციალური ფორმის ან ჩვეულებრივი ჭიქის დახმარებით ამოჭერით დიდი წრეები და საცხობი ქაღალდით დაფარულ საცხობ ფირფიტაზე გადაიტანეთ.

ცალკე ათქვიფეთ 1 კვერცხის გული და 1 ჩ.კ რძე და ნამცხვრებს თავზე გადაუსვით, შემდეგ ზემოდან შაქარი მოაყარეთ და 210 გრადუსზე გახურებულ ღუმელში 12 წუთის განმავლობაში აცხვეთ.

გემრიელად მიირთვით!

ესეც სცადეთ:

ორცხობილა კვერცხის გარეშე

საბავშვო ორცხობილა