ტორტი „სნიკერსი“ ცხობის გარეშე

ტორტისთვის საჭირო პროდუქტი:

ფხვიერი ორცხობილა

რძე - 500 მლ.

სიმინდის სახამებელი - 2.5 ს/კ

შაქარი - 3 ს/კ

კვერცხის გული - 1 ცალი

ვანილის ესენცია - 0.10 მლ

მინანქრისთვის საჭირო პროდუქტი:

4 ს/კ შაქარი

2 ჩ/კ კაკაო

1 ს/კ რძე

50 გრ. კარაქი

მომზადების წესი:

გაყავით რძე 2 თანაბარ ნაწილად. რძის ერთი ნაწილი ცეცხლზე დადგით და აადუღეთ, დარჩენილ რძეში კი სახამებელი აურიეთ. ამის შემდეგ დაუმატეთ შაქარი, ვანილის ესენცია ან ვანილინი დანის წვერზე და კვერცხის გული. ეს ნარევი ათქვიფეთ და მდუღარე რძეში შეუჩერებელი მორევით ჩაუშვით. დაახლოებით, 5 წუთი ადუღეთ, სანამ კარგად არ შესქელდება. შემდეგ ცეცხლიდან გადმოდგით და გაცივეთ.

აიღეთ საცხობი ფორმა ან შესაფერისი ფორმის მინის ჭურჭელი და ძირში ალუმინის ფოლგა ჩაუფინეთ.
ფორმაში ერთ ფენად ფხვიერი ორცხობილები დაალაგეთ და კრემი გადაუსვით. შემდეგ ისევ ორცხობილების ფენა და ისევ კრემი. ბოლო ფენა ორცხობილა უნდა იყოს.

ახლა მოამზადეთ შოკოლადის მინანქარი: ამისთვის შაქარი და კაკაო აურიეთ, რძე დაუმატეთ და დაბალ ცეცხლზე დაადგით. როგორც კი წამოდუღდება, კარაქი დაუმატეთ. კარაქი რომ გადნება, შოკოლადის მინანქარი ცეცხლიდან გადმოდგით და მზა ტორტს თავზე მოასხით.
ტორტი მაცივარში მთელი ღამით დატოვეთ და მეორე დღეს გემრიელად მიირთვით!

წყარო: www.shugarysweets.com