მაკედონელი და მისი ღვინის სმის კონკურსი, რომელშიც ყველა მონაწილე დაიხოცა

სწორედ ამ ცნობებით ირკვევა, რომ ერთხელ ჰედონისტური ცხოვრების წესის მიმდევარმა მხედართმთავარმა იმის გასარკვევად, ვის უფრო მეტი ღვინის დალევა შეუძლია, შეჯიბრება ჩაატარა და ამ შეჯიბრების ყველა მონაწილე დაიღუპა (ჰედონიზმი - ფილოსოფიური მოძღვრება, რომლის თანახმად, ადამიანის მამოძრავებელი საწყისი ტკბობაა).

ეს ამბავი ძვ.წ. 324 წელს, სპარსეთის ქალაქ სუსაში მოხდა. ალექსანდრე მაკედონელს უმძიმესი დეპრესია ჰქონდა, რადგან მისმა უახლოესმა მრჩეველმა, ფილოსოფოსმა კალანუსმა, რომელიც 73 წლის იყო, ცხოვრება თვითმკვლელობით დაასრულა.

მეგობრის დაკარგვის შემდეგ ალექსანდრემ გადაწყვიტა, მისი ხსოვნისთვის პატივი მნიშვნელოვანი მოვლენით მიეგო.

თავიდან ის სპარსეთში ოლიმპიადის ჩატარებას გეგმავდა, მაგრამ ვინაიდან ადგილობრივები ბერძნული სპორტის სახეობებს არ იცნობდნენ, მაკედონელმა ისეთი შეჯიბრება მოიფიქრა, რომელიც სპარსელებსა და ბერძნებს ერთნაირად ეხერხებოდათ.

მაკედონელის გეგმის თანახმად, ღვინის სმის შეჯიბრებაში გამარჯვებულს შთამბეჭდავი ოქროს პრიზი გადაეცემოდა. ერთი შეხედვით, შეჯიბრება უწყინარ გართობას ჰგავდა, თუმცა დაწყებისთანავე შოკის მომგვრელ საშინელებად იქცა. შეჯიბრების 41-ვე მონაწილე ალკოჰოლური ტოქსიკოზით გარდაიცვალა - უმეტესობა კონკურსის მიმდინარეობის დროს, დანარჩენები კი - რამდენიმე დღის შემდეგ.

საბოლოოდ, ტრაგიკული შეჯიბრების გამარჯვებული მაინც გამოვლინდა. ის ბერძენი მეომარი იყო, სახელად სლიპი, რომელმაც დალია 13 ლიტრი ღვინო, მოიგო პრიზი და შეჯიბრებიდან ოთხი დღის შემდეგ გარდაიცვალა.

თავად ალექსანდრე მაკედონელი ამ შეჯიბრებიდან ერთი წლის შემდეგ გარდაიცვალა. სიკვდილის მიზეზებზე ისტორიკოსები დღემდე ბევრს კამათობენ, თუმცა ერთ-ერთი ვერსია სწორედ ალკოჰოლით მოწამვლას უკავშირდება.

🔰:

როცა ღირსება სიკვდილზე ძლიერია - თავმოკვეთილმა დიდებულმა 32 ნაბიჯი გადადგა!

ვინ იყო სოკრატე

როგორ გამოიყურებოდნენ ისტორიული პირები რეალობაში?