„ფულის ხე“ - მითი თუ რეალობა?

🌱ბევრს სჯერა, რომ ბარაქის ხე ოჯახში სიმდიდრის, ბარაქისა და ფინანსური სტაბილურობის მომტანია და თუკი თქვენც იმ ადამიანთა რიცხვს მიეკუთვნებით, ვინც ამ ჯადოსნურ ხეს იმედით შეჰყურებს ან, უბრალოდ, ახლა გადაწყვიტეთ, თქვენც დაუთმოთ მას ოჯახში საპატიო ადგილი, რათა თქვენი ფინანსური მდგომარეობა გაიუმჯობესოთ, ეს ინფორმაცია აუცილებლად დაგაინტერესებთ.

🌱მისი მოპოვება რთული ნამდვილად არ არის. შეგიძლიათ, სპეციალურ მაღაზიაში შეიძინოთ, სადაც მცენარის ნერგები იყიდება. ან, სულაც, ერთი ფოთოლი ნაცნობ-მეგობრებში „ისესხოთ“. მაგრამ იმასაც ამბობენ, თუ გსურთ, რომ ფულის ხემ „გაამართლოს“ და უკეთ გაიზარდოს, მისი ფოთოლი აუცილებლად უნდა მოიპაროთ.

🌱სანამ „ნასესხებ“ ფოთოლს დარგავთ, მიეცით მას შეშრობის საშუალება - 3-5 საათის შემდეგ დარგეთ მიწით სავსე ქოთანში.

🌱იმისთვის, რომ მცენარის დაზიანებისგან დაზღვეული იყოთ, დაახურეთ „ფულის ხეს“ შუშის ქილა, მაგრამ დღეში ერთხელ გადახადეთ და მიეცით მას სუნთქვის საშუალება. ხოლო, როცა მიხვდებით, რომ მცენარე წამოიზარდა და საფრთხე აღარ ემუქრება, შეგიძლიათ, ქილა მას საბოლოოდ მოაშოროთ.

🌱ბარაქის ხე უპრეტენზიო მცენარეა. მორწყვას მხოლოდ მაშინ საჭიროებს, როდესაც მიწა გამოუშრება. გაითვალისწინეთ წყლის ტემპერატურაც. ძალიან ცივი წყალი „ფულის ხეს“ აზიანებს. ეცადეთ, წყალი ოთახის ტემპერატურის იყოს.

🌱დადგით ქოთანი ნათელ ადგილზე - „ფულის ხეს“ ძალიან უყვარს მზის სხივები.

🌱ფენ-შუის თანახმად, „ფულის ხე“ უნდა დადგათ სახლის სამხრეთ-აღმოსავლეთ სექტორში, სასურველია, ფანჯრის რაფაზე. სამხრეთ-აღმოსავლეთ მხარე - ეს სიმდიდრის ზონაა, ამიტომაც „გასამდიდრებლად“ ის შესანიშნავი ადგილია.

🌱ხშირად, „ფულის ხესთან“ ერთად ქოთანში სხვადასხვა მონეტებს ყრიან - ეს ეფექტის გასაძლიერებლად. იმავე მიზნისთვის ფულის ხეს საახალწლოდ მონეტებითა და ფულის კუპიურებით რთავენ.

🌱იმასაც ამბობენ, რომ, თუკი „ფულის ხეს“ ახალი, მბზინავი საფარი წამოეზრდება და სწრაფად ზრდას დაიწყებს, ეს სასიამოვნო ფინანსურ მოულოდნელობებზე მიგანიშნებთ. ხოლო თუკი ხე ჭკნება ან მას ფოთლები სცვივა, მაშინ ფინანსურ სირთულეებს უნდა ელოდოთ.

👇

ფულის ნუმეროლოგია - გამოთვალეთ პირადი ფინანსური კოდი