რა მოხდება, თუკი კატა „ულვაშს დაკარგავს“?

კატამ ვიბრისები შეიძლება დაკარგოს გარეშე ავადმყოფობის, მიკროელემენტების ნაკლებობის ან ცნობისმოყვარეობის გამოც კი, თუ ცეცხლს ძალიან მიუახლოვდა, მაგრამ ვიბრისების დაკარგვის ყველაზე გავრცელებული მიზეზი მაინც ბავშვებია.

სწორედ პატარა „სტილისტები“ აჭრიან კატებს და კნუტებს ულვაშებს და ხანგრძლივი ტანჯვისთვს იმეტებენ.

დიახ, ვიბრისების გარეშე დარჩენილი ფისო ფიზიკურად ძალიან იტანჯება. მას აღარ შეუძლია ღამით სიარული, რადგან გამუდმებით სხვადასხვა ნივთს ეჯახება. ზოგი გამართულად სიარულსაც ვეღარ ახერხებს და ისე ირწევა, თითქოს ქარიშხალია და გემზე იმყოფება.

ვიბრისების გარეშე დარჩენილი კატა სრულიად დეზორიენტირებულია. ის ვერ ხვდება, რა მოხდა, ამიტომ დაბნეული და შეშინებული კუთხეში იმალება.

თუ კატას მზრუნველი პატრონი ჰყავს, ის აუცილებლად შენიშნავს ცხოველის ქცევაში ცვლილებებს, თუმცა კატა აღარც მას ენდობა - როცა ყველაზე ძვირფასს წაგართმევენ, რომელ ნდობაზეა საუბარი?

ახალი ვიბრისები გაიზრდება თუ არა?

რა თქმა უნდა, ძველ ულვაშებს ახლები შეცვლის, მაგრამ თანდათანობით მოხდება და არა ერთ დღეში.

ეს უხეში თმა ისეთი მარტივი აგებულების არ არის, როგორც ჩვეულებრივი თმა, ამიტომ მის აღდგენას რამდენიმე კვირიდან რამდენიმე თვემდე დრო დასჭირდება.

ამის შემდეგ, ყველაფერი კატის ასაკზე და ჯანმრთელობაზეა დამოკიდებული, ამიტომ პრობლემების თავიდან ასაცილებლად, თავიდანვე გაუფრთხილდით კატის ულვაშს!

ესეც საინტერესოა:

რისთვის სჭირდება კატას ულვაში?

რატომ არ უყვარს კატას ბანაობა?

რატომ აღმერთებენ სტამბოლელები კატებს?