რას ნიშნავს სიტყვა ორკი

ორკი (Orcus) სიკვდილის ღვთაებაა რომაულ მითოლოგიაში. თავდაპირველად, ის ეტრუსკების ქვესკნელის ღვთაებათა შორის ერთ-ერთი იყო და მის დანიშნულება ადამიანთა სულების ქვესკნელში ჩაყვანა გახლდათ.

მოგვიანებით ორკი ქვესკნელის მეფე გახდა და დღეს ორკი, ისევე როგორც ბერძნული ჰადესი, მიწისქვეშა სამყაროს სინონიმია.

ეტრუსკების დროიდან მოყოლებული, ორკუსს ასახავდნენ, როგორც სასტიკ და დაუნდობელ მეომარს, სიკვდილის ფრთოსან დემონს, რომელსაც ადამიანთა სულები იმქვეყნიურ სამყაროში მიჰყავს.

***

გერმანულ-სკანდინავიურ მითოლოგიასა და ფოლკლორში ორკი ადამიანის მსგავსი ზებუნებრივი არსებაა.

***

რაც შეეხება ჩვენს დროს, სიტყვა „ორკი“ პირველად მწერალმა ჯონ რონალდ რუელ ტოლკინმა გამოიყენა თავის ნაწარმებში „შუახმელეთი“, სადაც „ორკი“ იყო გობლინის სინონიმი.

ტოლკინის ნამუშევრებში ორკები იყვნენ ბოროტი არსებები, რომლებიც ემორჩილებოდნენ შავ მბრძანებელს და შეადგენდნენ მისი ლაშქრის უდიდეს ნაწილს.

შავმა ბრძანებელმა — მორგოთმა — ორკები ყველაზე საშიში და ბოროტი ცხოველებისა და ნაწამები ელფებისგან შექმნა, თუმცა მათი შექმნისას დაუშვა სერიოზული შეცდომა: ორკების შექმნის დროს სინათლე არ არსებობდა, ხეების სინათლე კი მხოლოდ ამანს ანათებდა, მზის შექმნის შემდეგ კი სინათლემ შუახმელეთიც მოიცვა, რამაც სინათლეს მიუჩვეველ ორკებს შუახმელეთში დღისით თარეშის საშუალება მოუსპო.

შემდგომში ორკების ეს ნაკლი გამოასწორა სარუმანმა, ისტარების ორდენის ლიდერმა, რომელიც შუახმელეთში მივიდა მესამე ეპოქაში. სარუმანმა ორკებისგან გამოიყვანა ადამიანების მსგავსი ურუკ-ჰაის რასა, რომელსაც მზის სინათლის არ ეშინოდა.

ესეც დაგაინტერესებთ:

6 ფილმი უდიდესი მწერლების ცხოვრებაზე

25-ე კადრი და მისი გავლენა ქვეცნობიერზე - მითია თუ რეალობა?

უექოო კამერა - ადგილი, სადაც საკუთარი ძვლების ხმაც კი გესმით