რაში გამოგადგებათ კარტოფილის სახამებელი – 5 რჩევა ბებიებისგან

ფანჯრების წმენდა

კარტოფილის სახამებლისგან დამზადებულ ხსნარი ძლიერ დაბინძურებულ მინასაც კი ფაქიზად წმენდს და აპრიალებს - და ეს ყველაფერი ყოველგვარი ქიმიის გარეშე ხდება.

ფანჯრების გასაწმენდი ხსნარის დასამზადებლად დაგჭირდებათ:

• 1 სუფრის კოვზი სახამებელი,
• 1 ლიტრი თბილი წყალი

გახსენით სახამებელი წყალში და ამ ხსნარით მინები გაწმინდეთ. შედეგით კმაყოფილი დარჩებით.

ცხიმის ლაქების ამოყვანა ხალიჩიდან და რბილი ავეჯიდან

ხალიჩაზე ცხიმის ლაქა ბევრი დიასახლისისთვის აქილევსის ქუსლია - ვიღაცას ცხიმიანი ხორცი დაუვარდა, ვიღაცას წვნიანი ან ზეთი დაექცა...

ცხიმის ლაქას კარტოფილის სახამებელი მოაფრქვიეთ და რამდენიმე წუთი ასე დატოვეთ. შემდეგ სახამებელი მტვერსასრუტით მოაცილეთ ხალიჩა სველი ტილოთი გაწმინდეთ.

იგივე ხერხი რბილი ავეჯის გაწმენდაშიც დაგეხმარებათ. აურიეთ 1 ჭიქა წყალი და 1 ს/კ სახამებელი, წაუსვით ცხიმის ლაქაზე და უბრალოდ გაწმინდეთ.

ტანსაცმლის წმენდა

სახამებელი ამას სპეციალურ სარეცხ საშუალებებზე უკეთ აკეთებს. ამისათვის პოლიეთილენის პარკში ჩადეთ გასაწმენდი ტანსაცმელი, დაუმატეთ 2 ჭიქა სახამებელი და პარკი რამდენჯერმე კარგად შეანჯღრიეთ, სანამ სახამებელი ქსოვილზე თანაბრად გადანაწილდება.

დატოვეთ პარკი მთელი ღამით. მეორე დღეს ტანსაცმელი სუფთა იქნება.

ადვილად დაუთოება

ეს ხერხი განსაკუთრებით იმ დიასახლისებს მოეწონებათ, რომლებსაც უთოობა არ უყვართ.

2 ჭიქა წყალი და 1 ჩ / კ სახამებელი აურიეთ და ტანსაცმელს დაუთოებამდე შეაფრქვიეთ. შედეგი აუცილებლად გაგაოცებთ.

უსიამოვნო სუნის გაქრობა

კარტოფილის სახამებელი ეფექტურად ებრძვის უსიამოვნო სუნს. თუ თქვენს ფეხსაცმელს უსიამოვნო სუნი გაუჩნდა, ცოტაოდენი სახამებელი ჩააყარეთ და მთელი ღამით დატოვეთ. დილას ფეხსაცმელს სახამებელი მტვერსასრუტის საშუალებით მოაცილეთ. ეფექტი გასაოცარია!

🔰:

რატომ არის აუცილებელი ახალი ტანსაცმლის გარეცხვა?

კოღოს საწინააღმდეგო ხალხური მეთოდები

ამინდის პროგნოზი ბებიებისგან და მათი მეცნიერული ახსნა